Chapter 180: Contact Information

SABAY NA NAPA-ANGAT ng tingin ang nagbabangayan na dalawang babae nang marinig ang paparating na grupo ng mga lalake. Nakita ni Alyson kung paano matigilan ang pinaka-leader noon at maburo ang mga mata kay Loraine. Hindi rin nakaligtas sa kanyang mga mata ang biglang pagbabago ng reaction sa mukha ng babaeng kaharap na para bang bigla na lang itong nataranta. Binawi na nito ang mata sa lalake. Walang idea si Alyson kung sino ang lalakeng iyon at kung bakit ganun na lang ang tingin kay Loraine na parang magkakilala sila.

“Bakit ganyan ka kung makatingin? Wala akong masamang ginagawa!” depensa agad ni Loraine gayong wala pa namang sinasabi dito si Alyson.

“Anong sinasabi mo diyan, Loraine? Para tumingin lang ako binigyan mo na agad ng kahulugan.”

“Hindi mo ba kilala ang lalakeng ‘yun? Malamang ako, kilala ko. Si Mr. Samaniego ‘yun. Ang boss ng Samaniego Group. Anong klaseng expression mo ‘yan ha, Alyson? Wala ka talagang alam. Tanga!”

Pilit na itinago ni Loraine ang kabang lum