KABANATA 13

Georgina Czsharina's POV

"Sharina!" nagising ako sa sandaling iyon, nabosesan ko si mama. Teka umuwi si mama? Napabalikwas ako sa oras na iyon, nanlalagkit ako sa suot na damit hindi ko rin alam kung ba't ganito ang histura ko ngayon.

'Aish! nakalimutan ko, galing pala ako sa galaan kagabi!' kamot-ulong sambit ko habang hawak ang sumasakit na ulo.

"Sharina! Bumangon ka nga riyan, ano bang nangyari sa hitsura mo?

"Mama? Nagbalik ka po?"

"Yes, darling. Nandito ako para kunin ka. Aalis ka kasama ko," sabi pa nito.

Natigilan ako sa mga oras na iyon. Hindi ko maproseso ang sinasabi niya.

"Ha? Ano po?"

"Ang sabi ko, aalis tayo..."

Nang mga oras na iyon ay nagtungo si Sugar sa kwarto ko, bakas sa mukha nito ang pagkakabigla nang makita si mama.

"T-tita?"

"Oh, nandito ka pala Sugar," baling ni mama sa pinsan ko.

"Tita, saan n'yo po dadalhin si Sharina?"

Matigas itong tumingin sa kaniya. "It's none of your business hija, ang mabuti pa'y tulungan mo ako na pabangunin 'to si Sharina rito, aalis