Chapter 103

"Kuya Lawrence, Don Alejandro, may gusto sana akong irequest sa inyong dalawa." basag ni Berry sa saglit na pananahimik nilang tatlo sa sala.

"Ano yun, iha?" si Don Alejandro na ang naunang nagtanong kay Berry ng inirerequest nito sa kanila.

"Gusto ko pong lumipat sana ng bahay o kaya ay lumayo na muna dito. Alam kong kalabisan ang hiling ko, lalo pa nga po at ngayon pa lang tayo nagkakilala ng lubusan, pero hindi po ako pwedeng magtagal sa lugar na ito." ang saad ni Berry na ikinakunot noo na naman ni Lawrence at laking pagtataka ng ama nila.

"Why?!" ang tanong naman agad ng matanda dahil sa kabiglaanan.

"Muntik na po kase akong mahanap ni Jayden dito kahapon. Si Anne po ang nakausap niya at nagsinungaling lang si Anne para sa akin. Alam po kase ni Anne ang naging problema ko kay Jayden kaya hindi sinabi ni Anne na narito lang ako. Baka po kase bumalik siya dito sa subdivision at makita niya pa ako rito, kaya gusto kong lumayo na para makaiwas sa posibilidad na mahanap niya po ako."