Chapter 14. Part 1

Bumangon si Anne ng dahan-dahan at maingat na tumayo. Naramdaman ni Berry si Anne at ganun din pala si Trina, kaya sabay silang napaupo sa pagkakahiga at tumingin sa babae na nakatayo na sa tapat ng pinto.

Napansin naman sila ni Anne na sumenyas na huwag silang mag ingay at itinuro pa si Jessa na mahimbing na natutulog na patagilid na nakatalikod ang higa sa kanila.

Binalingan ng tingin ng dalawa ang natutulog na si Jessa na bahagyang humihilik pa.

Sa huling pagkakataon ay tinanong sila ni Anne ng pabulong kung sasama ba silang tumakas.

Nagkatinginan sina Berry at Trina na parehong takot sa maaring mangyari sa kanila kung tatakas sila.

Iniling iling ni Berry ang ulo niya, tahimik lang naman na nakatitig si Trina kay Anne.

Napapikit si Anne at nang magdilat ng kanyang mata ay tinanguan ng ulo sina Berry at Trina at bumuntong hininga.

Maingat na binuksan ni Anne ang pinto at sumilip sa labas ng pintuan. Walang bantay sa labas ng silid kaya humakbang na ito palabas at maingat na isinara