Chapter Fourteen

ISANG TAWAG ng Elder ng Balzi ang nagpabangon kay Venixe. Napaupo siya sa kama at agad na sinagot ang tawag. Kinakabahan siya dahil hindi naman ito tatawag kung hindi importante.

"Haya, bakit ka napatawag?"

"Lady V, maghanda ka na. Babalik na si Balsier ng bansa sa susunod na buwan. Nais ka niyang makilala at makita ng personal," imporam sa ka kaniya ng isa sa mga Elder na mabait sa kaniya.

Lady V ang ginagamit niyang pangalan sa organisasyon. Malakas ang tibok ng puso niya sa mga oras na iyon sa binalita sa kaniya ni Haya. Malapit na niyang makamtam ang hustisya. Malapit na niyang maisagawa ang kaniyang matagal na plano.

Akala niya ay dalawang buwan pa ang hihintayin niya tulad ng sinabi ni Cloud sa kaniya. Natuwa siya sa nalaman ngayon ngunit nakaramdam din siya nang lungkot. Ibig sabihin, kapag bumalik na si Balsier, ito na rin ang katapusan niya. Buhay ni Balsier, kapalit ng buhay niya. Wala siyang pagpipilian. Pinasok niya 'to at ginusto. Umpisa pa l