Chapter Fourteen

"Hoy, vakla ka! Ang haba ng hair mo kanina, huh! Pinagtanggol ka pa ni Sir Zaire. Iba ang kaibigan ko, gustuhin! Sana all na lang kami nito! Ayieeeee, ganda yern?" tukso pa ni Vienna sa akin.

Ewan ko ba sa kanya at kung anu-anong chismis ang nasasagap niya. Hindi naman ganun ang pagkakaintindi ko sa pagtatanggol ni Sir Zaire sa akin kanina. Maginoo lang siguro talaga siya kaya ganun ang naging reaksyon niya sa ginawang pambabastos ng lalaki sa akin.

At saka matapos kasi ang nangyari kanina ay pinayagan na ako ni Sir Zaire na bumalik sa locker at wag nang tapusin ang halos kalahating oras pa sana na trabaho. Siguro para hindi na rin magkagulo pa o ano pa man sa labas. Nakakahiya tuloy sa kanya. "Vienna, anong nangyari pala kanina sa labas?" tanong ko habang busy siya sa paglalagay ng gamit sa loob ng bag. Pauwi na rin kasi kami dahil sarado na ang bar. Hihintayin na lang namin ang sahod namin sa gabing ito. Nakakapagod pero ayos lang. Kahit pa ang daming nangyari na hindi ko inaasahan