CHAPTER 105

CHAPTER 105

CALL ME, KUYA!

“Ok ka lang?” Ngumiti ako kay Sunshine, binigyan niya ako ng hilaw na tinalupan na mangga dahil ito ang request ko sa kanya. Hindi ko alam kung bakit gustong-gusto kong kumain nito, na kahit malapit na ang gabi ay nagpabili pa talaga ako.

“Oo naman, marami na bang bisita sa garden?" Tanong ko habang nilantakan na agad ang mangga at nakita ko kung paano umasim ang mukha ng kaibigan.

"Gusto ko sanang humingi ng mangga pero sa tingin ko aawayin mo lang ako dahil sa palagay ko kulang pa iyan sa ‘yo.” Ngumisi ako sa kanya.

“Buti alam mo. Ano na, marami na bang bisita sa labas?” tanong ko ulit sa kanya.

"Oo beh, medyo marami na ring tao, oy ikaw, bakit hindi ka pa kumikilos riyan at makapag-bihis? Nagbihis na ang mga magulang mo pero ikaw….parang matamlay ka na prinsesa ngayon ah, hindi ka ba excited sa kaarawan ng iyong kuya Izaak?” Tanong niya habang sinusundot ang tagiliran ko kaya nahampas ko tuloy siya sa kanyang balikat pero tinawanan lang ako.