Chapter 5

"Ikaw ha!"

Tinusok ko ang tagiliran niya at muli ko na namang nakita ang iritasyon sa mukha niya. Kanina pa kami magkasama at malalim na ang gabi. Nakaupo kami at nababasa ang mga paa namin dahil sa pool. Nandito kami ngayon sa swimming pool ng condo.

"It irritates me, Hezikaia. Stop," naiiritang sabi niya pero tumawa lang ako.

Itinaas ko ang can beer at idinikit naman niya ang beer niya sa beer ko. Pagkatapos ay sabay kaming uminom.

"Ahh!" angal ko dahil alak na naman ang sumasayad sa lalamunan ko.

"You should stop drinking," sabi pa niya pagkatapos uminom. Tumaas ang gilid ng nguso ko.