Chapter 12: Krimen

"Hindi mo na kailangan pang magtrabaho sa flower shop. Pwede kitang ipasok sa kompanya ko at bigyan ng magandang pwesto."

Paulit-ulit si Kaden sa linya nitong iyon habang nasa sasakyan sila. Madaming nagbago sa buhay ni Lara simula nang dumating ito at ayaw niyang mawala ang lahat ng mga pagkakakilanlan niya, ang mga dating nakasanayan.

"Masaya ako sa trabaho ko doon, Kaden. At isa pa, wala naman akong tinapos na kurso. Hindi ako pwede sa opisina."

Bagot siyang binalingan ng binata. "Don't give me that damn excuse. Lahat ng bagay ay natututunan. Hindi nakabatay ang kaalaman ng isang tao sa kursong tinapos."

Madaming hindi nakapag-aral ang binigyan ni Kaden ng pagkakataon na makapagtrabaho sa kanyang kompanya. At ngayon nga ay nag-e-excel ang mga ito at malaking contributor sa trabaho. Hindi porke't hindi nakapag-aral ay bobo na. Isa iyon sa paniniwala niya.

"A-Alam ko. Pero masaya ako sa flower shop," pag-uulit ni Lara sa mahinang boses. Bukod pa doon ay hindi pa siya handa na pasukin