Chapter 25: Multo ng Kahapon

Naalimpungatan si Lara dahil sa mga narinig na kaluskos na nanggaling sa kusina. Hahayaan na sana niya ito ngunit nang may narinig siyang nabasag ay bumangon na siya upang tingnan kung anong nangyayari sa baba. Malayo pa lang sa kusina ay may naririnig na si Lara na mahihinang mga pagdaing. Pagbukas niya ng ilaw ay parang nakakita ng multo ang dalaga at halos mahimatay sa nakikita.

"Titus? A-Anong ginagawa mo dito?"

Hindi pa masyadong napoproseso ni Lara ang buong sitwasyon nang tumakbo palapit sa kanya ang bata at bigla siyang niyakap ng sobrang higpit. Hindi agad siya nakakilos.

"Why?.. Why did you abandon me?"

Nang marinig ang bulong at basag na boses na iyon ni Titus ay doon lang nagsink-in kay Lara na nandito nga ang anak at nakayakap sa kanya. Bumuhos na rin ang masagana niyang luha at buong higpit itong niyakap pabalik. Kung panaginip ito ay ayaw na niyang magising pa.

"Bakit mo ako iniwan, mommy? Bakit mo ako pinabayaan?" patuloy na pag-iyak ni Titus.

Hindi man alam ni Lara ku