Chapter 14

'Gran Exhibición De Arte'

Tila Hindi pa rin makapaniwala si Avi na ngayon ay nakatayo sa bukana ng Museo del Prado. Marami ng tao ang naglalabas masok sa loob ng Museo upang tignan at suriing mabuti ang mga naggagandahang obra na likha ng iba't-ibang artist... seyempre, kasama siya roon!

"Maravilloso!"

'Yon ang halos bukangbibig ng mga panauhin na sumusuri sa mga naka-display na paintings sa hallway at maging saan mang sulok ng Museo.

Lumakad siya papasok upang makipagkamay sa mga tumitingin sa painting na iginuhit niya. Ngiti, bati, beso at paminsan-minsang pagpapakuha ng larawan ang gawain niya sa tabi ng painting niya upang paunlakan ang kahilingan ng mga panauhing tumitingin doon. Marami ang interesado at gustong bumili no'n, ngunit wala pang nagaganap na usapan patungkol sa obra niya kaya hindi pa siya makapag desisyon.

"Plain, and simple..." Anang lalaking bigla na lang tumabi sa kaniya.

Tumingala siya upang tignan ang lalaki ngunit gano'n na lang ang gulat niya ng mapagsino it