Chapter 16

DAHIL hindi sigurado sa sinabi ni Stefan, pinuntahan pa ni Cassandra sa kuwarto nito si Lola Isabela para lang tanungin kung ano talaga ang apelyido ni Stefan. Noong nagpirmahan kasi sila ng marriage contract, diretso pirma siya at hindi na binasa. Kanya-kaniyang asikaso naman kasi sila ng papeles, minadali at inipon na lang pagdating ng US.

Akala niya naman ay may second name si Stefan at pareho sa apelyido ni Lola Isabela ang dala nito. Late na niyang natanto na si Lola Isabela ay nanay ng namayapang ina ni Stefan. At ang apelyidong dala nito ay sa American-German nitong ama.

“Hindi mo pala alam ang apelyido ni Stefan, hija?” amuse na gagad ni Lola Isabela.

Naputol na ang tawag ni Dr. Guellera kaya nag-text na lamang siya rito ng mga impormasyong kailangan nito.

Napakamot siya ng batok. “Hindi ko po kasi natuunan ng pansin,” aniya. Nakaupo lamang siya sa gilid ng kama ng ginang.

Totoo palang may second name pa si Stefan, at ang buong pangalan nito ay Stefan Greg Harden. Pero ay