KALMADONG hinarap ni Cassandra si Janica at hinintay itong makalapit nang tuluyan sa kaniya. “You’re Cassandra, right?” anito nang huminto sa kaniyang harapan may tatlong talampakan ang pagitan. “Uh, y-yes?” aniya. “I’m Janica, Stefan’s girlfriend,” pakilala nito, inalok sa kaniya ang kanang kamay. Mukhang hindi pa nito tanggap na ex-girlfriend na ito ni Stefan. Gayunpaman, kinamayan niya ito. “Hi! Nice to meet you,” kaswal niyang tugon. “Pasensiya na sa abala. Gusto lang sana kitang makausap kung pahihintulutan mo ako,” magalang nitong wika. Wala naman siyang problema sa babae kaya pumayag siya. “Walang problema,” nakangiting sabi niya. “Can we talk over lunch?” “Sure,” mabilis niyang sagot. Pagkuwan ay niyaya siya nitong sumakay sa kotse nito. Pumayag naman ito na sa gusto niyang restaurant sila kakain. “How’s Stefan?” tanong ni Janica nang kumakain na sila. “Hm, okay naman siya. Busy lang sa trabaho,” tugon niya. “Paano kayo nagkakilala? Sabi ni Donie, sa isang bar kay
HINDI kinibo ni Cassandra si Stefan hanggang sa makauwi sila sa mansiyon. Dumiretso siya sa kuwarto at nagbihis. Alas siyete na ng gabi at nagyaya na si Lola Isabela na maghapunan. Pagbaba niya sa hapag ay naroon na ang maglola. Hindi pa nagbihis si Stefan at tumuloy na roon. “Kumusta ang launching ng bagong product natin? Maganda naman ba ang sales?” usisa ng ginang. Nanatili siyang tahimik kahit siya ang nakaaalam sa tanong ng ginang. Mamaya’y kumislot siya nang bungguin ng paa ni Stefan ang kaniyang binti. Magkatapat lang kasi sila nito, at siya ang katabi ni Lola Isabela. Naibaling naman niya ang atensiyon sa ginang. “Uh, okay naman po ang sales ng bagong product ayon sa marketing department report. Pero next month pa malalaman kung papasok ba sa target sales. Nauna kasi ang distribution ng product kaysa marketing,” paliwanag niya. “Mabuti kung gano’n. Wala namang problema kung nauna ang distribution. At least nasa market na ang product bago maglabas ng advertisement. Our comp
LINGGO ng umaga ay nagyaya si Lola Isabela na mag-beach sila. Kahit kulang pa ang tulog ay pumayag si Cassandra. Hindi rin naman nakatanggi si Stefan at gusto ring mag-unwind. Sa Batangas sila nagpunta dahil may beach house roon ang pamilya, nakapangalan na rin kay Stefan. Kung tutuusin ay puwede nang gawing beach resort ang lupain dahil sa lawak nito at tabing dagat, kaso ayaw ni Stefan. Ayaw nitong may ibang taong nakapapasok sa property nito. Isang pamilya ang caretaker doon at naglilinis sa paligid ng lighthouse sa itaas ng burol. Kahit tirik ang araw ay naligo sila sa dagat at doon na rin nananghalian. Meron namang cottage roon na yare sa native material. Hindi siya makapag-focus sa pagkain dahil tinatawanan ni Stefan ang balat niya na mabilis nagbago at naging kayumanggi. Hindi kasi siya nagpahid ng lotion. “Tawa pa, mabulunan ka!” angil niya rito. Malayo sila kay Lola Isabela kaya parang aso’t pusa na naman sila. Sa may pampang ang ginang kumain at naglagay lang ng payong.
NAKATULOG si Stefan pagkatapos umiyak kaya nakalabas ng kuwarto si Cassandra. Madilim na sa labas at naghahanda na ng hapunan si Lola Isabela. Wala silang kasamang kawaksi kaya sila na ang nagluto. Naghatid naman ng ulam ang caretaker pero gusto ng ginang ng ibang putahe.Tinulungan niya ito sa pagluluto ng native na gulay. Mayamaya naman ang sipat nito sa kaniyang mukha, marahil ay napansin ang mugto niyang mga mata.“Bakit ganyan ang mga mata mo, hija? Umiyak ka, ano?” anito. Naghihimay ito ng dahon ng malunggay.“Opo,” tipid niyang tugon. Naghiwa naman siya ng patola.“Ay, bakit? Inaway ka na naman ba ni Stefan?” Tumaas ang timbre ng boses nito.“Hindi po. Nadala kasi ako sa emosyon niya nang magkuwento tungkol sa nangyari sa pamilya niya noon.”Mulagat na tumitig sa kaniya ang ginang. “Seryoso ka ba riyan, hija?”“Opo, Lola. Ang lungkot pala ni Stefan.”“Himalang nagkuwento siya,” komento nito.“Bakit po? Ayaw ko pa niyang pinag-uusapan ang pamilya niya?”Umupo sa silya ang ginang
APAT na oras lang ang naitulog ni Cassandra kaya pagdating ng opisina ay wala siyang lakas magtrabaho. Inumaga na siya kakaisip ng kaniyang agam-agam at damdaming umuusig sa kaniya. Ginising na siya ni Stefan kaya napilitan siyang bumangon at babalik na sila ng Maynila. Nasa opisina siya ni Lola Isabela at ginawa ang paperwork nito. Hindi niya natiis ang antok at umidlip siya habang nakaupo sa swevil chair. Ngunit ang idlip ay nahulog sa malalim na tulog. Akala ni Cassandra ay panaginip lang na tila siya’y nakalutang. Kalaunan ay natanto niya na totoo ngang nakalutang siya pero ramdam niya ang mga kamay na may buhat sa kaniya. Mabigat ang kaniyang mga mata kaya hindi na siya nag-abalang magmulat. Hanggang sa lumapag ang kaniyang katawan sa malambot na bagay. Napahimbing ang tulog ni Cassandra at ginising lang siya ng amoy ng ulam. Mamaya ay may mainit na kamay na humaplos sa kaniyang pisngi. Tuluyan siyang nagmulat ng mga mata. Mukha ni Stefan ang nasilayan niya na nakadukwang sa k
LUMAYO si Cassandra kay Janica dahil masama rin ang tingin sa kaniya ni Lola Isabela. Mukhang nahalata na nito na nakikisimpatiya siya kay Janica. Hindi na maipinta ang mukha ng ginang at dagling nilapitan si Janica. “How dare you came here to ruin my grandson!” singhal ng ginang kay Janica. “Lola, hindi n’yo po naintindihan. Wala akong ginawang masama at nagkamali lang ng akusasyon si Stefan. Hindi ko siya pinagtaksilan,” paliwanag ni Janica. “Ano pa man ang dahilan mo, huli na, Janica. Kasal na ang apo ko! Mahiya ka naman sa pinaggagawa mo! At huwag mong malapit-lapitan si Cassandra para gamitin siya!” “You can’t fool me, Lola. I know it’s also your idea to convince Stefan to marry another woman to forget me. Tanggap ko naman na sa simula pa lang ay ayaw n’yo na sa akin. Pero huwag naman kayong selfish. Mahal ko ang apo n’yo, at alam n’yo ring mahal ako ni Stefan,” depensa ni Janica. “Hindi lahat aayon sa gusto mo, Janica. Sinaktan mo na ang apo ko at hindi hamak ang dinanas ni
PINANINDIGAN na ni Cassandra ang kaniyang kalokohan. Talagang hindi niya binalik sa daliri ang kaniyang wedding ring. Kinabukasan ay galit na galit na si Stefan at talagang ayaw siyang paalisin ng bahay. “Bakit ba? Ano naman kung wala akong suot na singsing?” maktol niya. Nag-aalmusal na sila at hindi kasama si Lola Isabela. Sopas lang kasi ang almusal nito at abala na sa paghahalaman sa hardin. “Ayaw kong maging isyu pa ‘yang singsing, Cass. Maraming tsismosa sa kumpanya, lahat napapansin. Mainit pa ang gulo kahapon, baka isipin nila maghihiwalay na tayo dahil hindi mo suot ang singsing,” palatak nito. “Asus! Ang babaw naman ng dahilan. Takot ka lang husgahan ng mga tao, eh.” Lalong nairita si Stefan, nanlisik na ang mga mata. “Magseryoso ka naman, Cass. Respect our marriage, and don’t act like you’re playing here.” “Ano pala ang gagawin ko? Hindi ko na makita ang singsing.” “Maghahanap ako ng katulad ng singsing. Dito ka lang muna at samahan si Lola.” “Sige. Mag-online consu
NAALIMPUNGATAN si Cassandra nang maramdamang tila nakalutang siya. Napatitig siya sa mukha ni Stefan. Buhat na siya nito at naroon sila sa kuwarto. Inihiga siya nito sa kama. “S-Stefan,” paos niyang sambit. “Sorry, I’m late,” anito. “S-Saan ka ba nagpunta?” “I talked to Janica.” Naghubad na ito ng coat. “A-Ano’ng nangyari? Okay na ba kayo?” “I just clarified some important things to her to stop chasing me.” Iba na ang naisip niya, na baka wala na ngang balak si Stefan na balikan si Janica. “Hindi mo pa siya pinatawad?” aniya. “I have forgiven her, but things are different now. Maraming dapat isaalang-alang. And I don’t want my life to be complicated since we’ve just married.” “Pero at least bigyan mo siya ng assurance kung balak mo pa siyang balikan. Para naman hindi umasa ‘yong tao.” Marahas na humarap sa kaniya si Stefan. “Stop dictating to me what to do, Cass! I know naawa ka kay Janica, but it’s not your responsibility. Leave this mess to me and do your duty as part of