Chapter 11

Bria's POV

"Bestie, sabay na tayo mag lunch ha!" napatingin ako kay Monette ng magkasalubong kami sa hallway ng school. Hindi ko agad napansin ang aking kaibigan dahil wala akong tigil ng kakalingon na halos ikabali na ng aking leeg.

"Hoy ano ba ang nangyayari sa 'yo ha? Sino ba kasi 'yang hinahanap mo ha?" nagtatakang ani sa akin ng aking kaibigan.

"Bestie nandito daw ang may-ari ng school, tara hanapin natin si Decker." Mabilis kong hinila ang kaniyang kamay at tinignan ko ito ng may malaking ngiti sa aking labi. Napatingin siya sa aking mukha na tila ba may kung anong binabasa sa aking mga mata kaya naman mabilis ko itong nginusuan at pagkatapos ay inirapan ko ito.

"Halaaaa... si Sir Moris pala ang tinatarget mo babaita ka!" manghang ani sa akin ng aking kaibigan kaya naman bigla kong tinakpan ang kaniyang bibig at tumingin ako sa paligid at baka may nakarinig sa kaniya, nakahinga ako ng maluwag ng makita kong walang tao kaya tinampal ko agad ito sa kaniyang braso.

"Grabe ang ingay