Kabanata 13

AIRISH

MAYA-MAYA, kumakain kami nina lola at Eljoe nang dumating naman ang mga pulis. Tumayo kami ni Eljoe at kinamayan ang mga ito.

"Ahmm... do'n nalang po tayo sa may salas" sabi ni Eljoe.

Nagpaalam muna kami kay lola at sinabing kumain lang muna siya. Nakikita ko kasi sa itsura niya na nagtatakha siya dahil may pulis.

Ako ang nakaupo ngayon kasama ang mga pulis, habang si Eljoe ay binabantayan si lola at baka pumunta rito.

"Paano ka nakita ni Amresel at naging biktima?" tanong ng isa sa 'kin.

"Pauwi na po ako no'n galing sa trabaho nang makita ko po siya. Akala ko po mamatay na 'ko ng mga oras na 'yon nang may dumating na pulis. Si sir Jake Warren. Kaya po tumakas sila kaagad," sabi ko. Sinusulat naman ng isa niyang kasamahan ang mga sinasabi ko.

"Pero ang sabi niya sa 'min nang mahuli namin siya, asawa ka raw niya. Totoo ba 'yon?" tanong muli nito.

"Hindi po. Hindi po totoo 'yan. Ikinabigla ko po 'yan nang sabihin niya sa 'kin na ako raw ang asawa niya. Pero simula naman po noong