CHAPTER 12

“TONET, naiintindihan na kita kung bakit hindi ka naawat ni Nanay Rebecca dyan sa jowa mo,” parang malalim ang iniisip na sabi ni Olivia kay Tonet, magkaharap sila sa mesa habang umiinom ng lambanog na pasalubong ng kapitbahay nito mula sa Quezon. Kagabi pa siya dito kina Tonet.  Tuwing may malalim siyang iniisip ay dito siya naglalagi.  Simpleng apartment lang ang tinutuluyan ni Tonet.  Seaman ang kinakasama nito kaya madalas ay nasa barko ito naglalayag.

            “Tangna, hindi ko jowa si Roco.  Tatay lang sya ng mga anak ko pero never ko syang mamahalin dahil babae ang hanap ko!”

            “Puta ka, nakailan  na nga kayong anak  eh. Wag ka ngang ipokrita! Aminin mo na, mahal mo talaga si Roco!” tumatawang sabi niya.  Hindi siya naniniwala sa salitang pag-ibig, samantalang si Tonet ay