TPBS Chapter 8

Chapter 8

Matapos kumain ay masayang naghintay si Rome sa pagdating ng lover boy n’ya. Pumwesto s’ya sa may terrace namin sa second floor, kapit ang cellphone n’ya. Pero pababa na ang araw, wala pa rin si Jinn.

“O, iho, merienda ka muna!” tawag sa kanya ng nanay ko na may dalang isang platter ng turon.

“Salamat na lang po, busog pa `ko...” matamlay na sagot ni Rome.

“`Di pa ba nagte-text si Jinn?” tanong ko rito.

“Last n’ya `yung kanina na nakauwi na s’ya,” ngumuso s’ya sa `kin. “`Di kaya nakatulog `yun?”

“Posible, malamang pagod `yun kakahanap sa `yo, tapos byahe pa, at s’yempre nag-ayos pa `yun pagkauwi at nagbalita sa nanay n’ya sa nangyari.”

“`D-di kaya s’ya nagkasakit?” nag-aalalang tanong ni Rome.

”Posible rin.” Namutla ang mukha ni Rome.

`Yan, tama, makunsensya ka naman paminsan-minsan para next time, you think before you act. Hindi pwedeng lagi mo lang iniisip na ikaw ang laging kawawa. The world does not rotate around you. Hindi lang ikaw