Chapter 14

Ilang araw na ang lumipas at ganu'n parin ang naging sistema namin ni Harris. Hindi ako masyadong nagsasalita ngunit hindi rin naman ako nagsusungit. Ang gusto ko ay isipin niya na okay lang ako ngunit wala akong pake sa kanya. Mas malimit na rin kaming magkasama dahil nga sa pagiging mag partner namin. Aaminin ko minsan ay hindi ko na maitago at mapigilan ang sarili ko sa pagtataray sa kanya. 

Gustong-gusto kong ipamukha sa kanya na naiinis at galit ako sa kanya, pero lalo lamang akong maiinis dahil paniguradong hindi ako tatantanan ni Harris.

Nandito kami ngayon sa loob ng library, dahil may mga libro kaming dapat basahin. Madalas kaming nandito dahil kapag nandito kami ay hindi siya masyadong nagsasalita at mas nakakapag pokus ako.

Tahimik na nagbabasa lang ako ng may humawak sa balikat ko. Dahil sa gulat ay napasinghap ako. Nakita ko naman ang seryosong mukha ni Zale. Agad akong napaisip kung bakit siya na