•Lilac•
Pagkauwi ko sa bahay ay bumungad sa akin ang malapad na ngiti ni Mamay. Alam nito ang relasyon ko kay Seve, kaya ganito nalang ang reaksyon niya.
"Anak okay ka lang ba? Umiiyak ka ba? May masakit ba sayo?"
Inisang hakbang ko ang distansya namin ni Mamay at niyakap ito nang mahigpit.
Walang salitang lumalabas sa aking bibig, pero nagkakaintindihan kami.
Naiitindihan nito ang sakit na nararamdaman ko ngayon, lumakas ang iyak ko habang nakasubsob sa may dibdib ni Mamay ko."Mamay, hindi pa po ba ako sapat? marami po bang pagkukulang sa akin?" parang bata na tanong ko rito.
Hinaplos nito ang aking buhok, para pakalmahin ako ngunit di ko matigil ang bugso ng aking damdamin. Mas masisiraan ako ng bait kapag hindi ko nailabas ang bigat na nakadagan ngayon sa aking dibdib.
Hindi ko dapat sinasabi ang mga ito kay Mamay dahil may sakit siya sa puso, pero wala naman akong mapagsabihan na iba.
Di ako makapaniwala na ang taong iningatan, pinagkatiwalaan at inalagaan ko sa loob ng sampong taon, ay nagawa akong lokohin at gamitin. Pinagkatuwaan nila ako, masaya siguro sila dahil umiiyak ako ngayon.
"Huwag kang mag-isip ng ganyan Lilac, ikaw ang pinakamabuting tao na kilala ko. Handa mong ibigay ang lahat mapasaya lang ang taong mahal mo."
Iniling ko ang ulo ko habang umiiyak. Kung tama ang sabi ni Mamay, bakit nandito ako ngayon sa harapan nito at pinapatahan niya?
"May, hindi po ako umiiyak ngayon kong perpekto ako, kung mabuti akong tao. Kung hindi lang sana ako nagkulang, si-siguro hindi niya ako iniwan ngayon, siguro may, nasa tabi ko pa po si Seve hanggang ngayon."
Nauutal ako dahil sa pag-iyak, ngumiti sa akin si Mamay at tinaas ang aking ulo, para magkasalubong ang tingin namin.
"Hindi ko sinabi na perpekto ka, Lilac, dahil lahat ng tao nagkakamali. Ang akin lang ay huwag mong ibaba ang sarili mo dahil sa isang tao. Hindi sila ang huhusga sayo, kung binitawan ka man nila hindi mo kasalanan iyon. Alam mo kung bakit?"
Mahina na ang aking paghikbi habang nakikinig kay Mamay. Hinaplos nito ang pisngi ko na nagpagaan sa aking pakiramdam.
"Binitiwan ka niya dahil alam niya na di niya kayang hawakan at pangalagaan ng matagal ang isang bagay na malaki ang halaga. Alam niyang hindi siya nararapat sa tunay na pagmamahal mo."
"May, buntis po ako," singit ko sa sinasabi niya.
Ngumiti naman ito kaagad at hinaplos ang aking tiyan. Maswerte ako at si Mamay ang naging ina ko, ang inang palaging nandyan sa tabi ko.
"Little Angel, gabayan mo palagi ang mommy mo. Huwag mo siyang pahirapan ah?"
Tumawa ako sa sinabi ni Mamay at niyakap ito nang mahigpit.
"May, sasama po sana ako kay Trayne papuntang Korea, gusto ko po na doon na tayo tumira. Gusto ko po na kalimutan ang lahat sa lugar na ito," pagpapaliwanag ko kay Mamay.
Walang tanong na tumango ito at dinala ako sa kwarto para mag-empake.
"May isa lang akong gustong malaman mo, Lilac. Katulad mo marami rin kaming pagsubok na dinaanan ng Papay mo bago kami ikinasal, kaya kung may taong babalik sa buhay mo at mahal mo pa rin. Hayaan mong papasukin ulit ito, at sa pangalawang pagkakataon na iyon huwag matakot na lumaban kung ano ang para sayo, naiitindihan mo?"
Tumango ako sa mahabang lintanya ni Mamay, at tinulungan na ito sa pag-eempake. Nagkatuwaan kami roon nang may marinig kaming katok sa pintuan.
"May bisita ka May, baka si Seve po!"
Masayang tumawa si Mamay at hinawakan ako sa braso papunta sa may pintuan. Bumalik si Seve, alam ko na di ako nito pababayaan. Tatanggapin ko pa rin siya kahit na may mga sekreto itong tinatago dati.
"Hi! Lilac."
Hinawakan ko ang kamay ni Mamay, nang biglang pumasok ang ina ni Seve. Nakangisi ito na pumasok sa loob ng bahay namin.
"Anong kailangan niyo sa amin Madame Luxin?" malamig ang boses na tanong ko dito.
Malakas itong tumawa at tinulak ako. Alam kong hadlang siya sa pagmamahalan namin ni Seve, pero di naman niya kailangan pumunta sa pamamahay namin.
"Alam mo bang pinaikot ka lang ng anak ko, para bumalik sa kanya si Jonalyn at makuha niya ang mana sa kompanya. Look at this!"
May mga larawan itong hawak at ipinalipad iyon sa ere. Mabilis ko itong kinuha nang lumapag ito sa sahig. Nanginginig ang kamay ko habang nakatingin sa larawang iyon. Litrato namin iyon ni Seve habang nagtatalik, gusto kong magwala dahil dito pero na-estatwa ako sa sakit na aking nararamdaman.
"Ipinasa niya yan kay Jonalyn para magselos ito, at ang nakakatawa pa noon ay hinayaan niya lang na makita ng ibang mga tao ang hubad mong larawan. Sabi ko naman sayo hija, ang mga pulubing tao ay dapat lang sa pulubi. Wag ng maghangad ng mga taong katulad namin na nasa mataas na esta—"
Hindi na nito natapos ang sasabihin, dahil malakas itong sinampal ni Mamay sa mukha, tumabingi iyon at nahihirapan na ibalik sa dati.
"Ang hayop mo! Wala kang kasing-sama, hindi mo madadala ang kayamanan mo sa impyerno. Umalis ka dito sa pamamahay ko kung ayaw mong kaladkarin kita palaba--"
"Mamay!" sigaw ko nang bigla itong bumagsak sa sahig habang hawak-hawak ang dibdib.
Hinawakan ko ang damit na suot ni Madame Luxin para tumawag ito ng ambulansya, ngunit malademonyong tawa lamang nito ang aking narinig.
"Mamamatay na ba ang ina mo? Hayaan mo siya matanda na yan. Mas mabuti na iyong wala kang ibang iisipin kundi ang sarili mo."
Napakagat ako sa aking labi para magtimpi, kailangan ko ang tulong nito. Sa ngayon ay magpapakumbaba ako para sa ina ko, para mabuhay si Mamay.
"Tulungan niyo po ang Mamay ko, Madame Luxin. Tumawag po kayo ng ambulans—ahh"
Sinipa ako nito sa balikat kaya nawalan ako ng balanse at nabitawan ko ang damit nito. Napahawak ako kaagad sa aking tiyan, natatakot na baka pati ang anak kong walang malay ay masaktan dahil dito.
"Darating ang araw na ikaw ang luluhod sa harap ko, para humingi ng tulong at kapag nangyari iyon ay walang salita kitang tatalikuran."
Tumawa ito at tuluyan na kaming iniwan ni Mamay. Nanlalaki ang mata ko nang makita ang dugo na umaagos sa aking hita at ang tingin ni Mamay sa akin na namamaalam.
---
"Mamay!"
"Lilac, what happen?"
Hinahabol ko ang aking paghinga nang magising ako. Isa na namang masamang panaginip, hindi isa na namang masamang alaala ng nakaraan. Nasa harapan ko sila Trayne at Lucas, na may parehong ekspresyon ang mukha.
"Mommy, okay ka lang po? Bakit ka po umiiyak? May nightmare ka na naman po ba?" sunod-sunod na tanong sa akin ni Lucas.
Tumango ako at niyakap ito nang mahigpit, pagkatapos ay inilibot ko ang aking tingin. Nasa kotse pa rin pala kami ni Trayne, hindi ko man lang namamalayan na nakatulog ako.
"Si Nay Iska na naman ba ang napanaginipan mo?"
Binitawan ko muna si Lucas at tumango kay Trayne bilang sagot sa tanong nito. Dahil sa ina ni Szellous ay inatake sa puso si Mamay, namatay ito dahil sa babaeng iyon at isinusumpa ko na magsisisi ito sa ginawa niya.
"Calm down, Lilac, tapos na iyon. Huwag mo ng pahirapan ang sarili mo."
Naramdaman ko ang kamay ni Trayne sa nakakuyom kong kamao. Hindi ko man lang naramdaman ang sakit nang pagkakadikit ng aking mga kuko.
"Hindi ko yun makakalimutan Trayne, at hindi ko hahayaan na mananatili silang masaya sa taas," saad ko. "Nandito na ba tayo? let's go," pagbabago ko sa aming usapan.
Nauna na akong bumaba at umikot para pagbuksan ng pintuan si Lucas. Lumapit naman kaagad sa amin si Trayne at hinapit ang bewang ko.
"Daddy Trayne, ang higpit naman po ng yakap mo kay mommy."
Sabay kaming tumawa ni Trayne sa sinabi ni Lucas. Binitawan nito ang bewang ko at binuhat ang bata. Pagkatapos nitong maayos ang anak ko sa pagkakabuhat ay ako naman ang binalingan nito. Tinaasan ko siya ng kilay, ngumiti lang ito at hinawakan ang aking kanang kamay.
"Dapat lang bantayan natin ang mommy mo Lucas, baka may umagaw na iba."
Nilagay naman ng huli ang kamay sa kanyang noo, iniintindi ang sinabi ng daddy nito at nag-thumbs up dito. Ginulo ko ang buhok nilang dalawa at hinila na sila papasok sa loob.
"Good afternoon po, Ma'am and Sir."
Ngumiti ako sa batang babae na sumalubong sa amin. Kasing-edad lang ito ni Lucas kaya alam niya ito yung pinag-uusapan nila kanina.
"Lucas—"
"Mommy!"
Inilagay nito ang maliit na daliri sa aking bibig para patigilin ako sa pagsasalita. Tumawa naman ako sa kanya at tumango rito.
"Yes sir!" nakangiti kong sang-ayon sa kanya, bago binalingan ulit ang batang babae.
"Anong name mo?"
Malapad itong ngumiti at pinahid ang kamay niya sa may damit nito, bago iyon inilahad sa akin.
"Mayumi Fernandez po ma'am."
Inabot ko naman kaagad ang kamay niya. Namumula naman ang mukha ni Lucas habang nakatingin kay Mayumi.
"Mayumi, two cookies and cream, atsaka isang french vanilla. Table seven lang kami baby girl."
Tumango-tango ito at lumapit sa isang magandang babae.
Masayang kumakain si Lucas nang biglang hinawakan ni Trayne ang kamay ko. Tiningnan ko siya ng may pagtataka dahil sa ginawa nito.
"Nandito ang ex mo"
Nanigas ako nang marinig iyon, hindi niya pwedeng makita ang anak.
"Lucas, pwede bang umuwi na tayo? Sumasakit na kasi ang ulo ni Mommy."
Nag-aalala siyang tumingin sa akin at inilagay ang kamay niya sa aking noo. Kahit kinakabahan ako ay napangiti pa rin ako sa ginawa nito.
"Tara po Mommy para makainom ka agad ng gamot," nag-aalalang sabi nito.
Tumango ako at lumapit sa kanya, nilagay ko sa ulo nito ang sumbrero na ibinigay sa akin ni Trayne. Buhat-buhat ko si Lucas at naglakad na patungo sa may pintuan ng parlor.
"Ikakasal na kayo sa susunod na linggo nitong si Jonalyn?"
Napatigil ako sa paglalakad dahil sa narinig. Magpapakasal na sila? naramdaman ko ang paghawak ni Trayne sa balikat ko.
"Move, Lilac."
Hinakbang ko naman kaagad ang aking paa, at baka makita kami roon.
"Lily?"
Binundol ng kaba ang aking dibdib nang marinig ko ang pagtawag ni Seve sa akin.
"F*ck!" mura ni Trayne at kinuha sa akin si Lucas, bago ako hinila palabas ng ice cream shop.
•Lilac•Kanina pa kami dumating sa bahay pero hanggang ngayon ay nakatulala pa rin ako. Inaamin ko naman na hanggang ngayon ay mahal ko pa rin si Seve, at nasasaktan pa rin ako sa tuwing kasama niya ang bago niya."Lilac"Bumalik ako sa reyalidad ng marinig ko ang boses ni Trayne. Nagdikit ang kilay ko para intindihin ang sinasabi nito, ngunit wala pa ring pumapasok sa utak ko."Mommy bakit ka po sad? ayaw niyo po ba na kumain ako ng ice cream?"Malungkot na tanong sa akin ni Lucas, umiling naman ako sa kanya at pinatawag ang isa naming kasambahay para paliguan ito at makatulog na pagkatapos."Susunod lang si Mommy, mauna ka na sa kwarto okay? mag-uusap lang kami ng Daddy Trayne mo."Tumango-tango naman kaagad ito, at lumapit kay Trayne para halikan ito sa pisngi. Pagkaalis ni Lucas ay agad naman ito
•Seve•"Anong nangyayari diyan?" rinig kong tanong ni Ezekiel sa mga kaibigan namin. Napasabunot na naman ako ng buhok ko, di ko aakalain na makikita ko si Lilac na may kasamang lalaki at ang malala pa doon ay may anak pa ito. Rinig na rinig ko ang pagtawag sa kanya ng bata na 'Mommy'. Inisang lagok ko ang alak na iniinom bago tumingin sa kanila Sin na nagtatawanan kasama ang nobya nito na si Annaliza. Tinaasan ko ito ng kilay kaya tumahimik naman ito kaagad, ramdam ata ang pagkairita ko."Pare ang ganda pala talaga ni Miss Lilac, kaya maraming lalaki nababaliw dito. Ang sarap pa pakinggan sa tenga ang boses nito."Kumunot ang noo ko dahil sa sinabi ni Alwin, ngayon lang ba niya nakita si Lilac? Sigurado naman siyang dinala niya rito ang babae noong nobya niya pa lang ito."Di mo nakita yan nang dinala dito ni Seve?"Mabuti nalang at t
•Lilac•"Mommy, wake up po. Tumatawag po si Tito Cross!"Nagising ako dahil sa maliliit na halik sa akin ni Lucas. Malapad itong nakangiti sa harapan ko, ibabalik ko sana ang ngiti nito nang bigla itong nagkunot-noo. Umiling-iling pa ito sabay pinag-krus ang dalawang braso."Mommy ang bad naman po ng may gawa niyang sa iyo."Ako naman ngayon ang napakunot-noo sa sinabi niya. I check myself, para alamin kung ano ang ibig nitong sabihin nang naramdaman ko ang maliit niya daliri sa aking leeg. Damn! nakalimutan ko palang takpan iyon."Mommy, may bite po kayo ng mosquito. Namumula po ang neck niyo, kapag nakita ko po iyon papatayin ko po kaagad, para di na po kayo makagat ulit."Napatawa ako sa sinabi niya, mapapatay pa ata nito ang sariling ama. Ginulo ko ang kanyang buhok bago ito ginawaran ng halik sa pisngi.
•Lilac•"Anong nangyari sayo Lilac? nakatulala ka na naman, kanina pa kita napapansin may problema ba?"Tiningnan ko si Persephone at ngumiti dito. Nasa mansyon kami ngayon ng mga De Silva, kanina ko pa iniisip ang ginawa ni Szellous sa opisina ko."May iniisip lang ako, salamat nga pala sa pag-invite sa amin dito. Namiss ng anak ko yung mga kalaro niya eh."Tumawa si Persephone at tiningnan ang mga batang nagtatakbuhan. Nanlalaki ang mata ko nang makita na pumasok si Hades, Ezekiel at Craige. Nilingon ko si Persephone, nanlalaki rin ang mata nito na nakatingin sa tatlo. Mabilis itong lumapit kay Hades, napasunod na rin kami sa kanya."Anong ginagawa niyo dito? may iba ba kayong kasama?" agaran kong tanong habang tinatago sa likuran ko si Lucas. Delikado na at baka makita nila ito, tumaas ang kilay ni Hades na tumingin sa akin."Lilac? sino kas
•Seve•"Seve anak tulungan mo naman kami ng daddy mo, malapit ng bumagsak ang negosyo natin. Di namin kayang pigilan ang mga investor na umalis sa kompanya, at di nakakatulong ang ginawa ni Lilac tungkol doon sa bata di niya tayo mauuto. Kamukha daw pwe!"Malungkot akong ngumiti sa harapan ni Mommy, umuwi ako dito para ma-comfort nito. Nakakatawa dahil umaasa ako na sana maramdaman nito ang paghihirap ko ngayon, ngunit puro trabaho ang nasa isip nito."My, pwede po ba bukas nalang yan? masama po ang pakiram—""Ano? Ano ka ba naman Szellous. Paano na tayo kapag bumagsak ang kompanya? Sigurado akong pagtatawanan tayo ng Lilac Jose na iyon, at kapag nangyari iyon sigurado akong magpapakamatay ako."Tumango ako sa sinabi ni Mommy at lumabas na nang bahay. Pupunta pa ako sa opisina, sa totoo lang masama talaga ang pakiramdam ko ngayon. Nanlalabo ang mata ko haba
•Lilac•Gusto sanang manatili ni Trayne sa bahay ngunit tinawagan naman ito ng sekretarya niya dahil may bagong kaso daw. Hindi na niya ito pinigilan lalo na at sa tingin niya ay importante ang lakad nito."Mommy, sleep na po tayo ulit?"Tanong sa akin ni Lucas at tumabi na sa akin. Agad akong tumango rito at tinapik ang braso ko para umunan ito roon. Lumapit naman ito sa akin at niyakap ako, bago sumiksik sa aking dibdib. Katulad ng ama nitong si Szellous, doon din ang paborito niyang pwesto bago matulog."Mommy, bakit po sabi ng guy kanina Anak—"Napatigil sa sasabihin niya si Lucas nang tumunog ang cellphone ko sa mesa. Agad nito iyong inabot at binigay sa akin."Hello"Bungad ko dito, kahit hindi pa tinitingnan ang caller ID. Napakunot ang noo ko nang di ko makilala kong kaninong boses iyon. Inilayo ko ito saglit at tiningnan ang screen
•Lilac•Naalimpungatan ako dahil sa sunod-sunod na pagdo-doorbell, nang kung sino sa labas ng unit ni Seve. Mabuti nalang at mahimbing pa rin ang tulog ni Lucas, kung sakaling nagising ito sigurado siyang masisipa niya ang taong iyon."Anong ginagawa niyo rito?"Nanlaki ang mata ko nang makita ang mga kaibigan ni Seve sa labas. Hindi sila sumagot at nakatingin lang sa akin, napalunok ako at inayos ang sarili. Nahihiya ako sa mga gwapong lalaki na nasa aking harapan ngayon."Miss Lilac, ang ganda niyo po pala sa personal. Fan niyo ako. Bakit po kayo nandito?"Inabot ko ang inilahad na kamay ng lalaki, pagkatapos ay napakamot ako sa aking batok. Ano nalang ang iisipin nila? May fiancé pa naman si Szellous."Ano kasi tinawagan ako ni Soulle tapos wala raw mag-aalaga sa kaibigan niyo. Uuwi na rin kami ng anak
•Seve•Ganito pala ang pakiramdam ng mayakap ng anak. Ang init ng katawan nito ay napakagaan sa pakiramdam. Ramdam ko ang pagdaloy ng luha sa aking mata pero wala akong pakialam. Natatakot akong bitawan ang anak ko at baka di ko na naman ito makita muli."Ang init niyo po papa, iba po pala talaga ang yakap ng totoong papa. Ang sarap po na manatili dito, kaparehas po sa dibdib ni mama parang may savior din po ako rito."His words and voice warms my heart. He is my son, my own flesh and blood. Bumaba pa ang ulo nito sa dibdib ko, tila ba may pinapakinggan doon."Tug-dug-tug-dug. Papa naririnig ko po yan dito po."Hindi ito lumalayo sa kanya pero tinusok nito ang dibdib niya gamit ang maliit nitong daliri. Sinalubong niya ang tingin nito nang tumingala ito sa kanya."Alam mo ba ang ibig sabihin niyan anak?" nakangiti niyang tanong rito.