Chapter 8: Kent and Coop

Nagising si Kent na puro puti ang nakikita niya kung kaya’t iginala niya ang paningin sa kapaligiran. May mga aparatong nakadikit sa kanyang katawan at may neck support pang nakalagay sa kanyang leeg. Maliwanag na sa kanya ang lahat. Nasa ospital siya.

“Kent? Naririnig mo ba ako?”

Isang babae ang nagsalita ngunit hindi niya makilala kung kanino galing ang boses na iyon, unti-unting luminaw ang paningin niya at naaninag niya ang napakagandang mukha ni Jaydah May.

“May, you’re here,” saad niya at napangiti ng dahan-dahan sa dalaga ngunit nagulat siya ng bigla siyang sinampal nito.

“Aray! Kakagising ko lang tapos sinampal mo na ako kaagad?!”

“Sorry! Nakangiti ka kasi sa akin eh, akala ko kung napapano ka na, baka kasi nabaliw ka o naalog ang utak mo, ano? Kumusta na pakiramdam mo? Naaalala mo pa ba ako?”

“May, wala akong amnesia okay?! At malinaw sa akin ang lahat na kaya ako nandito ngayon dahil sayo!”

“Ahh okay, akala ko nagka amnesia ka eh,”

“Bakit pag nagka amnesia ba ak