Chapter 16- Plan A, B and C

IBINAGSAK ni Cassandra ang sariling katawan sa sofa nang pagdating niya sa kanilang tahanan. Tila naubos ang lahat ng lakas niya sa katawan sa maghapong pagtatrabaho sa kumpanya ni Ian. 

Isang linggo na siyang paroo’t parito sa Ramson Electronic at Brilliant Skincare Companya. Nakakapagod ang haba ng biyahe dahil nagco-commute lamang siya. Gayunman ay tila mas napapagod siyang harapin ang binata at ang pasensya niya para dito ay nasa hangganan na. 

Ginagawa talaga siya nitong alila at inuutusan ng kung ano-anong wala namang saysay na animo ba ay nang-iinis lamang. Subalit ang mas nakakainis ay ang hindi siya makakontra sa gusto at ipinag-uutos nito dahil palaging ipinangba-blackmail ay ang kontratang hindi pa nito pinipirmahan.

“Nakakainis!” matinis na tili niya at ilang beses na sumipa sa ere upang maalis lamang ang inis na kaniyang nararamdaman.

Pagkatapos ay muli niyang inalala ang isang linggong kalbaryo na natamasa niya mu