CHAPTER 6 - WIFE VS. EX-WIFE

Hindi pa na park ng maayos ng driver, ang kotse, nagmamadaling bumaba na si Rihanna at patakbo na tinungo ang pintuan ng mansyon. Nadaanan niya si Mr. Stuart na nakatayo sa lobby at waring mayroong kahulugan ang mga tingin nito sa kanya. “Magandang gabi Senyorita,” magalang na bati nito sa kanya, at waring may nais sabihin ngunit hindi na niya hinintay pa, dahil nagmamadali na siyang tumungo sa elevator. Hindi pa man siya nakapasok na loob ng elevator, ng marinig na niya ang malakas na tawa ni Dustin at ng babae na kasama nito. Saglit siyang tumigil at pinakinggan, kung saan galing ang mga halakhak na yun. Nang makumpirmang galing sa Dining Area ang boses, agad siyang pumunta doon, para lang makita na sinusubuan ni Shane si Dustin ng pagkain.

Pakiramdam ni Rihanna, may kung anong bagay na sumaksak sa dibdib niya. Ayaw niyang isipin na nagseselos siya, sa dating asawa nito ngunit bakit ganito ang nararamdaman niya. Parang gusto niyang umiyak, ngunit agad niyang pinigilan. Nagpatuloy si