Kabanata XVII

MABILIS na lumipas ang mga araw at nagpatuloy ang lihim na relasyon ng dalawa. Walang araw na hindi nakakasama ni Vanessa si Angelo at walang araw na hindi siya nito kinukulit. Wala pa ring alam ang mga taong nakapaligid sa kanila sa totoo nilang relasyon pero may hinala siyang nakakahalata na sa mga kilos nila ang mga magulang niya.

Lalo na at mabibilang ang mga araw na hindi umiiral ang kapilyuhan ni Angelo sa kanya. Madalas na nilang gawin ang kadalasang ginagawa ng mag-asawa at kulang na lang ay sa bahay nila ito tumira. Walang gabi na hindi siya pinupuntahan ni Angelo sa kanyang kwarto pero hindi naman lagi para gawan ng kapilyuhan. Gusto lagi nitong matulog sa tabi niya.

Napaka-clingy ni Angelo at gusto lagi nitong nakadikit sa kanya, nakayakap sa kanya kapag natutulog at laging kasama niya araw-araw. Natutulog ito sa kwarto niya at magkatabi sila sa ibabaw ng kama. Umuuwi lang ito bago magising ang kanyang mga magulang at napapailing na lang siya sa kanilang sitwasyon.<