Kabanata 16

Kabanata 16

MALA-KAMATIS na ang mukha ni Gie nang lumabas sila ni Gresso ng records room. Ni ayaw na nga niyang bumalik ng observation room dahil baka siya na mismo ang tumibag sa sahig at kusang magpalamon sa lupa sa sobrang hiya.

Napatingin siya sa kanyang kamay nang madamang dumausdos ang kamay ni Gresso upang pagsalikupin ang kanilang mga palad.

May init na dumapo sa kanyang puso. Parang nawala ang alalahanin niya nang mapagmasdan ang kanilang mga kamay. She never thought her hand would look this perfect with someone's. Kahit mas malapad ang kamay nito, napakagandang pagmasdang unti-unti na itong nagiging komportable kahit sa mga simpleng bagay lamang tulad ng paghahawak ng kamay.

"Are you ashamed?"