18 Ano Nga Ba Ang Sikreto?

Charlotte's POV

Nang natapos silang kumain ay pumasok siya kaagad sa kwarto niya para magpalit ng damit. Nagmamadali pa siya para hindi lang maabutan ng ate ni Elijah, pero sadyang ayaw siyang pagbigyan ng pagkakataon dahil paglabas niya ng banyo ay nakaupo na ito sa kama habang nakatingin sa kanya na parang binabasa ang kanyang buong pagkatao.

Ngumiti ito sa kanya. Hindi naman niya alam kung ano ang gagawin kaya pasimple siyang lumakad sa gilid papunta sa pintuan palabas.

"Saan ka pupunta?"

Tumingin siya dito. "Sa kwarto ni Elijah."

"Hmmp...halika upo ka muna dito, mag-uusap lang muna tayo kahit saglit ng tayo lang."

Akala niya nakalusot na siya sa kapatid ni Elijah. Ayaw niya sanang makausap ito ng sila lang dalawa dahil parang laging may sasabihin na masakit na salita.

"Hindi kita kakagatin, Charlotte. Masama man ang bibig ko sa kapatid ko, iba naman sayo, kaya halika na rito."

Lumakad siya at umupo sa kabilang side ng kama. "Ano ba ang pag-uusapan nating dalawa?" panimula niyang t