Chapter 65: Plan

“Aish! Kung di ka nga naman minamalas!” inis na sinipsip ni Keirah ang daliring nahiwa ng kutsilyo. Nagbabalat siya ng mansanas na ipapakain kay Davidson. Kaya lang nadulas ang kamay niya at nahiwa ang hintuturo niya sa kaliwa.

Tiningnan niya yung mansanas. Mabilis na kumalat ang dugo niya sa isang hiwa nito. Medyo kinabahan si Keirah dun. Parang masamang pangitain, ngunit hindi niya na lamang pinansin.

Baka nago-overthink lang siya.

Nagulat pa siya ng nag-vibrate ang cellphone niya. Nasapo niya tuloy ang dibdib. Nagiging nerbyosa na siya, kakakape niya ‘to.

Binitawan niya ang mga mansanas at tiningnan kung sino ang nag-text. Napakunot-noo siya ng unknown number na naman iyon. “What the? Ano na naman ba ‘to?”

Laking mangha ni Keirah ng makita ang MMS message. Mga picture niya yun sa Coron! Mga kuha niya na mag-isa lang siya.

Kinutuban na naman si Keirah. Nang marinig na mag-ping ang elevator sa first floor ay agad niyang tinago ang cellphone.

Nakita niya naman si Davidson na papal