“AKALA KO ba hindi ka sisipot? Di ba nagkasundo na tayo?” Nangigigil sa inis na sita ni Catherine sa anak ng kaibigan ng Daddy niya nang dumating ito sa bahay nila kasama ng parents nito.
Tiningnan siya nito mula ulo hanggang paa na parang nuon lang siya nakita. “Dapat ikaw ‘tong naglayas para di na matuloy ‘tong kasal,” pasuplado nitong sagot sa kanya.
“Bah, aastig astig ka pa dyan, kala mo naman totoo,” angil niya dito saka nilingon ang kanyang Daddy na abala sa pag-eestima sa parents nito at sa judge na magkakasal sa kanila, “Uy, malansang paminta, wag mo kong tinatarayan dyan ha? Baka kala ng Papa mo magkakaron ng milagro oras na matabihan kita? Excuse me, mamatay na muna ako bago mo ko matabihan. Pumapayag akong pakasal saiyo dahil ayokong sumama ang loob ni Daddy pero sa papel lang tayo mag-asawa!”
“Bakit, kala mo ba seseryosohin ko ‘to? Para sabihin ko saiyo, wala ka pa sa kalingkingan ng girlfriend ko!”
“Girlfriend ka dyan!” Natatawang sabi niya dito, “Pwede ba kapag tayong dalawa lang ang nakakarinig, magpakatotoo ka!” Gustong-gusto na niya itong kutusan. Bakit ba nagpi-feeling macho naman ‘to ngayon? Ano bang drama nito? Pero in fairness, bagay dito ang ganitong pormahan. Ang astig ng dating nito sa suot nitong black na t-shirt at simpleng maong lang. At ngayon lang niya napansin, may dragon tattoo pa pala ito sa braso. As if naman ikakalalaki nito iyon. Pero kung di lang ito paminta, pihadong maraming babae ang magkakagusto dito.
Tsinito. Kissable lips. Matangkad. Maganda ang mga ngipin, at higit sa lahat, mabango. Tiyak na kaiinggitan siya ng barkada nya kapag ipinarada nya ang isang ito. Wag lang itong bibigay sa bestfriend niyang si Mak. Pero imposible. Sa gwapong iyon ni Mak, pihadong laglag brief ang mokong na ‘to dun.
Magkaiba ng kaguwapuhan ang lalaking ito at ang bestfriend niyang si Mak.
Bilugan ang malaking mga mata ni Mak. Indian kasi ang tatay kaya ganun ang feature nito. Pero hindi nagkakalayo ng pangangatawan ang mga ito. Magka-height rin. Pareho silang matangkad.
Bigla niyang naalala si Mak. Pihadong magtatampo ito sa kanya kapag nalaman nito ang biglaan niyang pagpapakasal. Ni hindi man lang niya ito nasabihan. Sabagay, kahit isa naman sa mga barkada niya ay wala siyang sinabihan ng tungkol dito. Bukod sa inaasahan niyang hindi ito sisipot sa araw ng kasal, nahihiya siyang ipagsabi na ipinagkasundo siya ng Daddy niya sa anak ng kaibigan nito na three days ago lang niya nameet.
KAHIT NASA AIRCON ay pinagpapawisan si Andy. Never in his wildest dream na naisip niyang ikakasal siya isang araw sa babaeng ni hindi man lang niya niligawan. In fact, ngayon nga lang niya nakita.
Talagang makakatikim ng suntok sa kanya si Anthony kapag nagkita sila. Gosh, ni wala ito sa kalingkingan ni Alexa ang babaeng ito. Ano bang height ng bubuwit na ito? 5’2’? 5’3? Wala siyang ideya. Basta hindi siya mahilig sa maliliit. He is 6 feet tall. Parang ang akward ka-date ng maliit dahil palagi na lang itong nakatingala sa kanya. Hindi pa yata siya nagka-girlfriend ng kasing height nito.
Saka ano ba namang porma nito? Daig pa nito ang manang na may dalang Bible kung makaporma. Sigurado siyang pagtatawanan ito ni Alexa sa bihis nito.
Bukod sa fashion model ay fashion designer rin si Alexa kaya naman napakaganda nitong manamit. Pagkatapos sa babaeng ito lang siya ipapakasal ng Papa niya? Hindi ganito kababa ang standard niya!
Gusto na niyang tumakbo palabas ng bahay na iyon. Pero kapag naiisip niya si Justin ay napapaatras siya.
Parang may dumagan na mabigat na bagay sa dibdib niya nang tawagin na silang dalawa ng judge, hawak ang marriage contract na pinirmahan nito. Pakiramdam niya ay katapusan na niya.
Ganito siguro ang feeling ng bibitayin, sa loob-loob niya habang nakatingin sa mukha ng mapapangasawa niya. Ni hindi man lang inahit ang makapal na kilay, sa loob-loob niya habang nakatitig dito.
Diyos ko naman, ano ba itong napasukan ko? Ano ba ang kasalanang nagawa niya nuong past life niya para parusahan siya ng ganito? Nilingon niya ang kinaroroonan ng ama. Napalunok siya nang makitang hindi inaalis ng Papa niya ang pagkakatingin sa kanya. Subukan mo lang gumawa ng gulo dito, tingnan ko lang kung magustuhan mo ang gagawin ko, waring nagbabalang sabi ng mga mata nito sa kanya.
Napabuntong hininga na lamang siya ng malalim. Kung isa itong panaginip, gusto na niyang magising sa lalong madaling panahon!
“MAG-ASAWA na ho kami?” Parang maiiyak na tanong ni Catherine sa judge nang ianunsyo nitong pwede na siyang halikan ng kanyang groom. Nilingon niya ang kanyang Daddy na masayang-masaya para sa kanya.
Ginagawa ko ito para sa kaligayahan mo, Dad. Pero jusko lord, hindi ko alam kung paano pakikisamahan ang isang ‘to! Bakit naman iyong kaligayahan nyo, katumbas ng kamatayan ko? Napahikbi siya nang ma-realize ang lahat ng isinakripisyo niya para lang mapagbigyan niya ang request ng ama. Bakit ba kasi nagpatangay siya sa iyak nito?
“Oo, mag-asawa na kayo,” Nakangiting sabi ng judge na napag-alaman niyang kasamahan rin sa Fraternity ng Daddy niya, “Iho, you may now kiss your wife.”
“No way!” Halos sabay nilang sagot ng kanyang napangasawa.
Iniisip pa lamang niyang makikipaghalikan siya dito ay nangingilabot na siya. At malamang ay ganun rin naman ito sa kanya dahil alam naman niyang hindi babae ang hanap nito.
Tinawanan lang silang dalawa ng judge.
“Okay, hindi ko kayo pipilitin. Pasasaan ba at masasanay rin kayo. Ganyang-ganyan rin iyong anak ko nuon,” anito sa kanila.
“By force nyo ring ipinakasal ang anak nyo? Hindi ho ba bawal iyon?”
“Hindi ko kayo pinilit. Kusa ninyong pinirmahan ang marriage contract nyo. Naka-video lahat ng mga kaganapan. Walang nakatutok na baril sa inyo at hindi nanganib ang buhay nyo, kaya sa mata ng batas, wala akong nilalabag na kahit na ano!” Paliwanag nito sa kanila, “At iyong anak ko, very grateful sya na ginawa ko iyon. Ngayon masayang-masaya na silang mag-asawa. For sure, ganun din ang mangyayari sa inyo.”
“I don’t think so,” sagot ng lalaki saka yamot na tumingin sa kanya, “Hinding-hindi ako maiinlab sa kanya.”
Namilog ang mga mata niya, “Bah, bakit, feeling mo naman maiinlab ako saiyo? Uy, pareho lang tayo ng pinagdadaanan dito ‘no!” Mataray na sabi niya rito. Kung makaasta ito, parang ginusto niya ang nangyayaring ito sa kanila ah!
“Kuuh, ganyan-ganyan rin ang sinabi ng anak ko sakin nun. Pero ayun, nakakatatlo na silang anak ngayon!” Anang judge sa kanilang dalawa.
Kinilabutan siya saka humaba ang nguso, “Iba naman po kasi ang case ng anak nyo at ng groom nya sa case namin ng isang ‘to!”
“SA IISANG KUWARTO kami matutulog?” “Natural, mag-asawa na kayo ngayon, alangan namang magkahiwalay kayo ng kuwarto? Ngayon pa lang sanayin nyo na ang mga sarili nyong me katabi sa pagtulog. Gusto na naming magkaapo ‘no!” Sabi ng Daddy niya saka nakangising tingnan ang kaibigan nitong si Facundo. “’Ma,” dinig niyang sabi ng lalaki, parang humihingi ng saklolo sa ina. Hindi niya alam kung matatawa o maiiyak sa nangyayaring ito sa kanya. Kahapon lang ay dalaga pa siya. Ni wala nga siyang boyfriend. Pagkatapos ngayon, biglang-bigla heto at Mrs.Catherine Villanueva na siya. Parang um-order lang siya online ng asawa ah. Ang masama, may defect pa. Sabagay, mainam n
NAPANGISI si Andy, kitang-kita niya ang takot na nagregister sa mukha ni Catherine lalo na nang idikit niya ang mukha sa mukha nito. In fairness, maganda naman pala ito kapag natitigan. “Wag mong sabihing ngayon ka lang nakakita ng ganito?” Pilyong tanong niya dito, may amusement sa mga mata niya nang makita ang pagba-blush ng mga pisngi at ang panic sa mga mata nito, “Why, are you still a virgin?” Curious na tanong niya dito. “Ano pa ba sa palagay mo? Bakit, hindi ba normal saiyo ang makakita ng babaeng virgin?” Inis na sabi nito saka mabilis siyang itinulak palayo. “Pwede ba, huwag kang dumikit sakin, nangingilabot ako sa ginagawa mo!” Mukhang masusukang ipinagpag pa nito ang katawan. “Ho
“WHAT THE FUCK?” Gulat na sigaw ni Andy nang magising siya dahil hinampas ni Catherine ang braso niya. “Hinihipuan mo ako!” Halos magsalubong ang makapal nitong mga kilay dahil sa galit, “Bakit, ano bang akala mo sakin, lalaki?” Naguguluhang napakamot siya sa ulo, “Anong lalaki pinagsasabi mo dyan. Sorry. Nanaginip lang siguro ako, akala ko kasi girlfriend ko yung katabi ko,” aniyang tinalikuran ito saka bumalik na sa pagtulog. “At saka bakit ka nga pala naka-brief habang natutulog? Hindi ka ba nahihiya? Me kasama ka dito sa kuwarto uy, kumilos ka ng disente! Kahit na ganyan ka, lalaki ka pa rin kaya. . .” Naiirita na siy
“Huwag mong sabihing walang nangyari sa inyo kagabi?” Tanong ng Daddy ni Catherine sa kanya. Hindi niya alam kung ano ang kanyang isasagot. Bakit ba minamadali nitong may mangyari sa kanila ng anak nito? Takot na takot yatang mamatay na virgin ang anak! Sabagay, sa pag-uugali ng anak nito, hindi imposibleng mangyari iyon. “Dad. . .” Dinig niyang sabi ni Catherine na kadarating lamang mula sa pagja-jogging. Naka-suot ito ng leggings at crop top. Hmm, sexy naman pala ang babaeng ito, sa isip niya nang pasadahan ito ng tingin mula ulo hanggang paa. “Ni hindi ko kilala ang mokong na ýan pagkatapos pipilitin nyong. . .” pa
“PA’NONG maiibang kaso, babae ka, lalaki si Andy. Maganda ka, guwapo si Andy, hindi imposibleng. . .” “Hindi lalaki si Andy, Dad!” Maagap niyang sagot sabay irap kay Andy, “Saka, Dad, sana binigyan nyo man lang kami ng chance na magkakilalang mabuti bago nyo kami pinakasal. Kung okay, then saka kami magpapakasal. Hindi ganito. . .” “Oo nga po,” sabat naman ni Andy, “Actually, kaya ko lang po pinakasalan ang anak nyo ay dahil ayokong isumpa ako ni Papa. Pero ngayon pa lang po, tatapatin ko na kayo, hinding-hindi ko po magugutushan ang anak nyo. Kaya malabo hong mangyari ýang inaasahan nyo.” “Aba, sa palagay mo magugustuhan kita?” Taas ang kilay na tanon
“MY LOVE, sorry na. . .” Panay ang pa-cute ni Andy kay Alexa ngunit mukhang hindi tumatalab ang pagpapa-cute niya. Ang gulat pa nga niya nang itapon nito sa basurahan ang binigay niyang boquet ng mga tulips. Ang mahal pa naman ng bili nya duon pagkatapos, itatapon lang nito? “Three days kang di nagpaparamdam, for sure kung anu-ano na namang kalokohan ang pinaggagawa mo!” “Wala nga akong ginagawang masama. Iyong nahuli mo ko dati na may kausap na tsiks, isang beses lang nangyari iyon. Saka wala naman yun. Alam mo namang sila ang lumalapit sakin, alangan namang pagsupladuhan ko.” Tiningnan siya nito ng masama. Napakamot siya sa u
“IKUKUHA mo ba ko ng tubig pangbanlaw o gusto mong tumayo ako dito sa harapan mo ng nakahubad?” Pilyong tanong ni Andy kay Catherine. Nakita niya ang takot sa mukha nito. Lihim siyang napangiti. Madali lang naman palang sindakin ang babaeng ito, sa isip niya habang nakatingin dito. Pumikit ito at lumingon pakaliwa saka itinulak siya ng ubod lakas. Pero dahil mabilis niya itong nahawakan, nahila niya ito at sabay silang bumagsak sa sahig. Ramdam niyang bahagyang kumislot ang nasa pagitan ng kanyang mga hita nang maramdaman ang isang hita nito sa ibabaw niyon. “Ahhh, manyak!!! Manyak!!!” Malakas na sigaw nito. Damn. Tinakpan niya an
NATAPUNAN ng gatas ang suot niyang tshirt kaya naisipan niyang magpalit. Pagpasok niya sa kuwarto ay nakita niyang natutulog na si Andy kaya nagmamadali niyang hinubad ang suot na shirt at nagpalit. Sabagay, kahit naman makita pa siya nito ay hindi naman ito tatalaban dahil lalaki rin ang type nito. Pero kung hindi lang niya alam ang tunay na kulay ng dugo nito, posibleng magka-crush siya dito. Matangos ang ilong. Mapula ang mga labi. Makamandag ang tsinito nitong mga mata. Matangkad at maganda ang pangangatawan. Muli niyang naalala ang itsura ng sandata nito. Kinilabutan siya ng maalala iyon. Kahit na bakla ito, lalaki pa rin ito kaya dapat ay nag-iingat pa rin