Kabanata 4.1

Napapatingin ang mga empleyado ni Zion kay Scarlett. Kilala ng lahat si Scarlett at lahat sila ay alam ang naging issue ni Scarlett noong nakaraang taon na siyang naging dahilan ng pagkawala niya.

“Anong ginagawa niya rito? Lalapit ba siya sa kompanyang ito para sa come back niya? Ang lakas naman yata ng loob niya para gawin yun. Paxy Entertainment nga hindi siya tinanggap tapos papasok siya dito sa Grayson Entertainment?” rinig ni Scarlett sa bulungan ng mga kababaihan pero hindi siya nagpadala sa mga bulungan yun. Diretso lang ang lakad niya at nakataas pa ang noo niya.

“Kasama niya ba ang driver ni Sir Zion? Anong gayuma kaya ang ginamit niya para magkaroon siya ng connection dito sa Grayson?” hindi na lang pinansin ni Scarlett ang mga salitang naririnig niya.

“Dito tayo Ma’am,” iginiya ni Joel si Scarlett hanggang sa makarating sila sa elevator. May dalawang elevator pero siksikan sa kabila. Nakasunod lang naman si Scarlett kay Joel nang lumampas sila sa isang elevator na maraming