Chapter 8.2: Aware

Magpi-pitong minuto na simula nang pumasok sa loob ng Men's CR si Dennis pero hindi pa rin ito lumalabas. Kinatok na ni Raymond ang pinto.

"Hoy, buhay ka pa riyan?"

Nakarinig siya ng kaluskos at bumukas ang pinto. Nang matitigan niya si Dennis, bahagyang namumula ang mga mata nito pero 'di gaanong halata dahil naghilamos ito. Umakto si Raymond na hindi niya napansin na umiyak ito.

"Tara na?"

Hindi sumagot si Dennis at nanlaki ang mga mata ni Raymond nang biglang yumakap si Dennis sa kanya. Dahil konti lang ang tinangkad niya dito, nakapwesto ang ulo nito sa pagitan ng leeg niya at balikat. Tumutusok ang mga buhok ni Dennis sa leeg niya na gusto niyang kamutin ang parteng iyon.

"O-oy!"

Hindi pa rin ito nagsasalita ngunit humigpit ang kapit kay Raymond. Hindi niya alam ang gagawin. Ang alam niya lang, ang lakas ng tibok ng puso niya na parang lalabas na. Hindi naman sig