Kabanata 12

Alminaza Gacula

Two minutes ago • ?

"Kung ayaw mo sa story ko, 'wag mong basahin."

Ganiyan ang palaging sinasabi ng mga manunulat tuwing nakatatanggap sila ng mga kritisismo, na kung ayaw mo, huwag kang mangialam.

Totoo naman. Minsan kasi mas nagiging payapa ang mundo kung walang salitaan, walang pakialaman.

Pero kunin nating halimbawa sa loob ng pamilya. Pinakikialaman ka ba ng mga magulang mo at itinatama kung hindi ka nila mahal?

Minsan kasi, hindi naman sa pangingialam ang problema. Nasa paraan ng pagsasagawa nito. Ang ilan ay masiyadong masakit magsalita, masiyadong mabigat ang bawat bitaw ng pamumuna. P'wede namang magdahan-dahan lang. 'Yong paraang kapag hahaplusin mo ay mararamdaman mo, pero hindi ka masusugatan.

Karamihan kasi sa kanila ay tama naman talaga, pero nakaiinsulto hanggang sa puntong nanliliit ka na. Masyado ring magaling magpahiya na sa kinabukasan ay wala ka nang mukha pang maihaharap sa iba kasi nasira ka na