Chapter Eighteen

TAHIMIK lang si Anastasia mula pa kanina hanggang sa pagtapos kumain ng hapunan. Ngayon kasalukuyan silang nasa pool area dahil nagkaayayaang mag-inuman. Beer ang iniinom nila Craig at Prince habang wine naman ang sa kanila ni Virginia.

"Buong akala ko boring sa probinsya hindi pala. Hindi ko rin talaga akalain na mayaman at tagapagmana pala itong si Anastasia. Noong napadpad kasi ito sa Maynila, wala siya kapera-pera," mahabang sabi ni Virginia.

"Sira ka dyan," tanging nasabi niya.

Nilingon siya ni Craig na nakaupo sa fool bench habang siya naman ay nakaupo sa gilid ng pool habang nakasawsaw ang mga paa sa tubig.

"Hindi ko nataning sayo. How did you survive for five years?"

"Noong unang tapak ko sa Maynila hindi ko talaga alam kung paano ko bubuhayin ang sarili ko. Bukod sa hindi ko natapos ang kolehiyo, hindi ko rin dala ang mga dokomento ko. Tanging sampung libo lang ang dala ko. Laking pasalamat ko si Virginia ang una kong nakilala," aniya na nilalaro ng mga paa niya ang tubig.

"A