Book 3: Chapter 72-Control

Mabilis na itinikom ni Alexa ang bibig nang pumasok na sa kotse ang asawa at tumabi sa kaniya. Ang tahimik nito at mukhang galit pa rin. Pagtingin niya kay Jerry ay ang tahimik din nito at agad binuhay ang makina ng sasakyan.

Walang salitang kinabig ni Zion ang ulo ng asawa at pinasandal iyon sa dibdib niya.

Kahit papaano ay nabawasan ang kabang nadarama ni Alexa nang yakapin siya ng asawa. Hindi na rin siya nag ingay. Ipinikit ang mga mata at sinamyo ang mabangong dibdib ng asawa.

Lihim napangiti si Jerry nang masulyapan mula sa front mirror ang dalawa at parehong nakapikit. Ang cute lang tingnan ng mga ito. Mukhang nakatulog pa si Alexa habang nakayakap sa asawa nito.

Pagdating sa kanilang bahay ay mabilis na sininyasan ni Zion si Jerry na huwag maingay. Mahimbing na ang tulog ng asawa niya at ayaw niya itong gisingin. Dahan-dahan niya itong pinaupo nang maayos bago bumaba at umikot sa sasakyan upang kunin ang asawa mula sa kabilang pintuan.

Nakasunod lang si Jerry sa amo na buha