Chapter 16 - haydees

NAGISING si Safhire ng madaling araw. Nauuhaw siya. Bumangon ang dalaga. Sinipat ang kanyang tabi. Wala doon si Vhendice. Saan kaya natulog ang lalaki? Bumaba siya ng kama at lumabas ng kwarto. Dapat pala ay nagdala na siya ng tubig bago siya natulog. Dumadalas na itong nagigising siya dahil sa uhaw.

Habang naglalakad sa maluwang na pasilyo ay napansin niyang bukas pa rin ang ilaw sa guest room. Gising pa ba si Vhendice? Silipin kaya muna niya. Hindi nakasarang mabuti ang pinto. Sumilip muna siya. Pero walang tao sa loob. Ang naroon lang ay ang laptop ni Vhendice na nasa ibabaw ng isang glass table. Nilakihan niya ang awang ng pintuan at pumasok. Nasaan kaya ang lalaki?

Walang kama sa loob ng silid. Ngunit may mahabang sofa sa isang sulok. Puno ng iba't ibang kagamitan. Mga musical instruments. Electric guitar, drum set, piano at bass guitar. May bookcases na puno ng libro. Mga sports equipment at body-building tools. Sa isang bahagi ng silid, sa dingding na salamin na may lamat ay na