Chapter 15

MATAPOS nga ng naging pag-uusap namin ni Mr. Saavedra sa labas ng venue ay agad na akong bumalik sa loob. Pinilit ko ang sariling alisin muna ang negatibong pakiramdam dahil ayoko naman na hanggang dito ay masama pa rin ang loob ko at naiinis.

"Aliyah, okay ka lang?" tanong agad ni Mae nang saglit niya akong tapunan ng tingin.

"Ha? O-oo naman. Bakit?" tanong ko rin at pilit na ngumiti. Ayokong malaman niya na pagkatapos ng masayang pangyayaring ito sa buhay ko ay may naghihintay nang tila sumpa pagkauwi ko.

Gusto ko nalang sulitin ang mga oras na ito.

"Parang ang lungkot mo. O baka naman pagod kana? Nagduty ka pa ba kagabi?" tanong ulit ni Mae na agad ko namang inilingan bilang sagot.

Hindi niya pa nga rin pala alam na tumigil na ako sa pagtatrabaho sa club ni Ate Elsa.

"Hindi ano ka ba. Naiinip lang ako. Ano na bang course ang tinatawag?" pag-iiba ko ng usapan para naman matigil na ang paninitig sa akin ng kaibigan.

"Ah hindi ko alam kung anong course eh, pero sabi nila last n