Chapter 350-Magandang regalo

Nagising si Natasha nang makarinig ng pagbukas ng pintuan. Sa una ay natakot pa siya nang makita ang anino ng isang lalaki. Pero nang makilala ito ay nawala na ang takot na nadarama.

Binuksan ni Dark ang ilaw sa silid ng dalaga bago humakbang palapit dito. "Happy birthday, baby!"

Bahagyang nanlaki ang mga mata ni Natasha at binati siya ng binata. Saka niya lang napansin ang hawak nitong maliit na cake. Pagtingin niya sa orasan at eksaktong twelve a.m na. Hindi niya alam kung ano ang dapat maramdaman. Nagtataka siya kung bakit binabati siya ng binata gayon ibang pagkatao ang kilala nito sa kaniya.

"C'mon, don't cry."

Sunod-sunod na napakurap si Natasha at hindi namalayang umiiyak na pala siya.

"Make a wish!" ani Dark at inilapit ang cake na siya mismo ang gumawa kanina habang tulog ang dalaga. "Ako ang gumawa niyan."

Lalo lamang napaluha si Natasha at naalala ang pangako noon ni Dark, na ito ang gagawa ng cake sa kaniyang kaarawan. "Bi-birthday ko ba ngayon?" Pagpapanggap pa rin niya