Alex's PovNakangiwi ang mukha ko habang sinisipat ko sa harapan ng salamin ang aking noo na siyang mas napuruhan ng hamba nang pintuan. Ang ilong ko na bumangga rin sa pintuan ay hindi gaanong nasaktan at hindi katulad sa aking noo na pulang-pula ang hitsura."Ba't kasi hindi ka nag-iingat, Alex? Nagmukha ka tuloy katawa-tawa sa harapan ng aroganteng lalaki iyon," sermon ko sa aking sarili habang nakaharap sa salamin. Napatingin ako sa pintuan ng aming silid nang pumasok si Uriel. Agad kong iniiwas sa kanya ang aking paningin. Alam ko kasi na pinagtatawanan niya ako sa kanyang isipan dahil sa pagiging clumsy ko. "Ilagay mo 'to sa noo mo para mabawasan ang pamumula at hindi mamaga," kausap niya sa akin. Hindi ko namalayan na lumapit pala siya sa aking tabi. Para kasi itong ninja kung maglakad. Masyadong magaan ang mga yabag na parang hindi ito malaking tao."Ano naman iya—" humarap ako sa kanya para itanong kung ano iyong ibinibigay niya sa akin ngunit naudlot ang aking pagsasalita n
Alex' s PovDahil sa pagkagulat ko nang pabiglang binuksan ni Aling Lorena ang pintuan ay hindi sinasadyang naitulak ko ng malakas si Uriel. Muntik na akong mapahagalpak ng tawa nang parang palakang nalaglag si Uriel sa sahig una ang puwit. Ngunit pinigilan ko ang aking tawa dahil nakikita kong naniningkit ang mga mata ni Uriel at kung wala lamang sa paligid si Aling Lorena ay tiyak na tiniris na niya ako. Agad namang napatakbo ang matandang babae palapit kay Uriel at inalalayan itong makatayo."Ano ba ang ginagawa mo, Alexa? Bakit mo sinasaktan si Uriel?" nanlilisik ang mga matang sita sa akin ni Aling Lorena. Kung umakto ito ay parang anak niya ang sinaktan ko."Ano ba ang sinasabi mong sinasaktan ko si Uriel, Aling Lorena? Iniisip mo bang battered husband si Uriel? Hindi maganda 'yon. At saka hindi ko siya sinasaktan. Nakita mo naman kung ano ang eksenang naabutan mo pagbukas mo ng pintuan, di ba? Naglalambingan kami," nang-iinis ang boses na sabi ko sa kanya. Mainit ang dugo niya
Alex's PovFirst day ko sana ngayon sa school dahil pasukan na para sa second semester ngunit pinili ko na huwag munang mag-enrol. Unang-una ay hindi naman ako si Alexa. Hindi ako nakatuntong ng kolehiyo kaya tiyak na nganga ako sa loob ng classroom. Ayokong pagtawanan ng mga tao ang kakambal kapag bumalik na siya. Mabuti na lamang at hindi ako pinilit ni Uriel na mag-aral. Sabagay, bakit naman niya ako pipilitin gayong wala naman siyang pakialam sa akin? Ang kaso palagi lamang akong narito sa bahay kaya sobrang bored na ako. Dahil bored ako sa bahay ay nagpasya akong puntahan si Uriel sa kompanya niya. Gusto kong makita kung ano ang ginagawa niya. Lately ay tila nabawasan ang kasungitan niya sa akin. Wala naman akong ginagawang magic sa kanya para maging mabait siya sa akin. Kahit si Aling Lorena ay hindi na rin ako masyadong sinisita ngunit kapag tumitingin pa rin siya sa akin ay parang kakainin niya ako ng buhay. Ngunit deadma na lang ako sa kanya. As long as wala siyang masaman
Alex's PovMahinang ungol ang umalpas sa aking lalamunan habang pinagbabalikan ako ng aking malay. Dahan-dahan kong iminulat ang aking mga mata at iginala sa loob ng silid na aking kinaroroonan. Bigla akong napabalikwas ng bangon ngunit agad din napabalik sa pagkakahiga at muling napapikut nang maramdaman ko ang hapdi sa aking braso."Huwag ka munang gumalaw, Miss. Baka dumugo ang sugat mo," mahinang saway sa akin ng isang tinig ng lalaki na pamilyar sa akin. Dagli kong iminulat ang aking mga mata at tiningnan ang lalaking nagsalita na pamilyar sa akin ang boses. Brown ang mga mata niya, matangos ang ilong at manipis ang mapupulang mga labi na nakangiti sa akin. Pamilyar sa akin ang boses niya at pati na rin ang ibang bahagi ng mukha niya ngunit hindi ko talaga maalala kung saan ko siya nakita. Walang dudang guwapo ito at imposible namang hindi ko matandaan kung may nakilala akong lalaki na kasing-guwapo niya. At si Uriel na minsan masungit minsan naman ay mabait ang tanging guwapo
Alex's PovNakabusangot ang mukha ko habang naglilinis ako sa silid namin ni Uriel. Hindi kasi maganda ang gising ko kanina. Nanaginip kasi na hinahalikan ako ni Uriel sa ibabaw ng kama niya ngunit biglang dumating si Aling Lorena at ipinaalala kay Uriel na ang anak lamang nito ang dapat mahalin ni Uriel. Na hindi maaaring magmahal si Uriel ng iba at hindi ito maaaring maging masaya dahil ito ang dahilan kung bakit namatay ang kanyang anak. Nang marinig naman iyon ni Uriel ay agad niya akobg itinulak sa kama. Nahulog ako sa ibaba ng kama at doon ako biglang nagising. Kahit sa panaginip ko ay panira pa rin ng moment ang matandang iyon.Pero bakit ko nga ba napanaginipan na hinahalikan ako ni Uriel? Ah, dahil sa nangyari kagabi. Bigla siyang lumundag papunta sa kama pagkatapos ay hinawakan ang aking magkabilang braso at unti-unting ibinaba ang mukha niya sa mukha ko. Akala ko ay hahalikan niya ako kaya kusa kong ipinikit ang aking mga mata iyon pala ay hinawakan lang niya ako sa magkabi
Alex's PovNagulat ako nang marinig ko ang galit at malakas na tinig ni Uriel sa naninitang tono. Nang tingnan ko siya ay namumula ang mukha niya sa galit. Galit na hindi ko malaman kung ano ang dahilan. Dahil ba sa nasobrahan ang ginawa kong paglilinis sa kuwartong ito?"Ano ang ginagawa mo rito?"madilim ang mukha na tanong niya ulit sa akin. Nilapitan niya ako at malakas na niyugyog ang aking mga balikat."Ano ba?! Bitiwan mo nga ako!" inis na sabi ko sa kanya. Naalog yata ang utak ko sa lakas ng pagkakayugyog niya sa akin. "Ano ba ang problema mo, Uriel? Pinalinis mo sa akin ang kuwartong ito tapos magagalit ka ngayon dahil sobrang linis ang ginawa ko.""At sino naman ang nagsabi sa'yo na pinapalinis ko ang kuwartong ito? Alam mo ba kung kanino ang kuwartong ito? Kay Sandy! At walang sinuman ang maaaring pumasok o gumalaw sa mga gamit niya rito!" humihingal sa galit na sigaw sa akin ni Uriel."Hindi ko kusang nilinis ang kuwartong ito, Uriel. Inutusan ako ng mayordoma mo na linisi
Alex's PovBahagya akong umungol nang pagbalikan na ako ng aking malay. Nakahiga na ako sa ibabaw ng kama ni Uriel at nakasuot ng tuyong damit. Nakita ko siyang nakatagilid sa akin at nagpipiga ng isang face towel. Gusto ko siyang tanungin kung sino ang nagbihis sa akin ngunit hindi ko magawang magsalita dahil tila minamalat ang aking boses. Hindi ko rin magawang kumilos dahil tila wala akong lakas para gawin iyon. Pakiramdam ko rin ay tila lumilindol ng bahagya dahil parang gumagalaw ang aking paningin. Nang bumaling sa akin si Uriel ay natuklasan niyang gising na pala ako."Mabuti naman at gising ka na, Alexa. Mataas ang lagnat mo kaya kailangan kitang punasan. Kailangan mo ring uminom ng gamot para bumilis ang pagbaba ng lagnat mo," ani Uriel na tila may pag-aalala sa kanyang tinig. Napaismid ako sa aking isip. Fake na pag-aalala. Kung hindi ko pa alam ay natatakot ka lang na baka isipin ng mommy mo at ng daddy ni Alexa na pinapabayaan mo ako. Ayaw mo lang malaman nila na kaya ako
Alex's PovNalaman ng ina ni Uriel na nagkasakit ako dahil tumawag ito at hinanap ako. Nang malaman nito ay agad itong nagpunta sa bahay ni Uriel at katakot-takot na sermon ang inabit ng anak nito. Talagang mahal ni Uriel ang kanyang ina dahil kahit anong sermon ang ginawa ng ina nito ay hindi ito nagalit o sumagot man lang. Napaka-obedient pala niyang anak."Dapat ay inaalagaan mo ang sarili mo, Alexa. Hindi ka dapat gumagawa ng mga gawaing bahay dahil mayroon naman kayong katulong. Ano ang silbi ni Lorena kung hahayaan ka ng asawa mo na magtrabaho rito sa bahay," sermon naman ng ina ni Uriel sa akin. Tapos na itong magsermon sa anak kaya sa akin naman. "Ayokong mababalitaan na nagtatrabaho ang aking manugang, Uriel. Nandito naman si Lorena kaya siya ang dapat magtrabaho. Maliwanag ba?" baling nito kay Uriel at sa katabi nitong mayordoma na blangko ang ekspresyon ng mukha. Ngunit alam ko na sa loob-loob niya ay nanggigigil na siya sa akin."Opo, Ma'am Ursula," magalang na sagot ni Al