Chapter 17 - Samahan Mo Ako

"Adi!" Awtomatikong napabangon si Ffion sa kanihihigaan. Mabilis siyang napalingon sa kaniyang tabi, wala ang lalaki. Napatingin din siya sa bintana, umaga na!

No! no! Baka gutom na siya.

Nagmadali siyang bumaba ng kama. Ang pangit ng kaniyang panaginip! Nagkasakit daw siya at nawalan ng malay sa banyo. Si Audric din daw ang bumuhat sa kaniya at buong gabi siyang binantayan.

Saglit siyang natigilan nang makitang ibang oversize shirt ng kaniyang asawa ang suot niya. Mas lalo pa siyang nagulat nang makitang wala siyang underwear na suot kundi boxer short ni Audric!

Gusto niyang pawian ng ulirat nang maalalalang hindi pala siya nanaginip. Kundi totoong nagkasakit siya at ang asawa niya ang nagpalit sa kaniya ng damit?!

Kaagad na kumalat kahihiyan sa kaniyang magkabilang pisngi pero nang maalalang wala naman pala itong nakikita ay nakahinga si Ffion ng maluwang. Pero bakit nakadama siya ng panghinayang nang maalalang wala man lang itong nakita sa kahit anong parte ng katawan niya?

Ffion!