Chapter 8

Pinalipas muna ni Brandon na tahimik ang lahat. Pinilit niyang maging sunod sunuran at pinakibagayan si Lucille kahit sukang suka siya at higit sa lahat nagpakaabala sa opisina. Sinikap niyang palabasing busy siya sa trabaho at seneseryoso na ang paghawak sa negosyo ng pamilya.Kahit sa kanyang lolo ay ganun ang pakita niya para mapaniwala ang lahat.Madalas niyang nahuhuling pinasusundan siya ng kanyang tiyo Ben kaya naman naging mas maingat si Brandon at pansamantala sa loob ng dalawang buwan ay hindi siya kumikos ng pwedeng paghinalaan.

Sa kanyang opisina at sa kanyang silid sa hotel mas ginusto na lamang ni Brandon manatili. Naroon na lamang ng buong maghapon at kung minsan nga ay hanggang magdamag pa lalo na kapag nagkayayaan iminom. Malaya si Brandon sa sariling opisina at sa silid niya dahil hindi madalas magpaunta doon si Lucile dahil imbiyerna daw ito sa staff niya at madalas silang magtalo ng kanyang secretarya na harapan din kung bastusin si Lucille. Bagamat kunwari ay kay Lu