KUNG SANA ay kaya lang nitong sabihin kay Noah ang buong katotohanan ay baka sakaling may magbago pa, baka sakaling magbago pa ang isip nito ngunit hindi pwede.
Tulad nang sinabi nito kanina, ayaw niyang ipagdamot ang kaligayahan nitong alam niyang tanging si Ella lamang ang makakapagpuno.Mas pipiliin niyang manatiling manhid sa sakit na nararamdaman. Wala man itong ideya kung paano maglalaho ang bigat na namamayani sa kaniyang dibdib pero kailangan niyang kayanin iyon alang-alang sa ikasasaya ni Noah…kahit pa sabihing, hindi na siya ang dahilan ng ngiti sa mga labi nito.Mauupo na sana si Nicole nang muling magsalita ang asawa, “Kilala ko ba siya?”Natigilan ito sa kinatatayuan. “A-Akala ko ba gusto mong kalimutan ko na siya? Bakit inulit mo na naman ang tanong?"Bumuntong-hininga si Noah bago napailing na para bang may na-realize ito sa nasabi.“Huwag mo na lang isipin ang tanong ko. Ang mahalaga nagkausap na tayo tungkol sa annulment ng kasal natin. Akala ko magiging mahaba ang usapan nating dalawa pero hindi naman pala." Kinuha nito ang bag saka muling humarap sa kaniya. “By the way, I'll be gone for a week or two for an urgent business conference. Hindi ka ba mahihirapan kapag iniwan kitang mag-isa sa mansyon?"Muntik na nitong abutin ang braso ni Noah ngunit pinigilan nito ang kaniyang sarili.Wala na siyang natitirang lakas ng loob para hilingin ang presensya ng asawa. Malinaw na sa kaniya ang nangyari at mangyayari sa susunod na mga araw.He'll just panicked and resist like a bird trapped in a cage if she'll try to stop him.Nang makasigurado itong nakaalis na ang asawa ay naiwan siyang tulala sa harapan ng dining table. Mayamaya pa ay tahimik niyang binalikan ang trash bin at kinuha ang gusot-gusot na pregnancy test result.Inilapag niya ang papel sa mesa at maayos na ibinuklat. Muli niyang binasa ang nakasaad doon hanggang sa hindi nito napigilang himasin ang tiyan. Wala pang mahahalatang umbok doon pero alam nito sa puso't isipan niyang hindi lamang siya ang mangungulila sa hiwalayang magaganap."Pasensya ka na, baby. Mukhang mabubuhay ka sa mundong hindi buo ang pamilya,” kausap niya sa anak.Makailang beses din nitong hinimas ang tiyan hanggang sa mapahawak na lamang ito sa kaniyang sintido dahil sa pabugso-bugsong pananakit ng ulo. Kanina niya pa ito nararamdaman at para bang bumibigat na rin ang mga galaw nito, epekto marahil ng kaniyang pagbubuntis.Walang nagawa si Nicole kung hindi bumalik ng kwarto. Kahit kasi anong gawin nito ay hindi siya komportable sa nararamdamang pagbabago sa kaniyang katawan, kasama na rin doon ang pagiging sensitibo niya sa maraming bagay na mukhang dumagdag pa sa stress na nararamdaman niya sa mga oras na ito.Sinubukan nitong magpahinga kahit papaano. Ihiniga na rin nito ang sarili sa kama at sinubukang umidlip ngunit mayamaya ay nagising na lamang siya dahil sa malakas na tunog ng kaniyang cellphone.Maingat na bumangon si Nicole para sagutin ang tawag, “H-Hello?” aniya gamit ang matamlay na boses.“Are you okay?” si Noah mula sa kabilang linya. “Sorry, nagmadali akong umalis kanina. I wasn't able to join you for breakfast. Kumain ka na ba?”“I'm fine...tapos na rin akong kumain,” pagsisinungaling niya kahit ang totoo ay hindi man lang nito tinikman ang ginawa niyang baked macaroni dahil agad siyang nawalan ng gana kanina.Muli na naman itong nakaramdam ng lungkot dahil alam niyang nagpapanggap lamang ang asawa na concern sa kaniya hanggang matapos ang kanilang annulment. Malinaw ditong hindi na dapat siya makaramdam ng kahit konting attachment mula sa pagiging maalalahanin ni Noah."Tumawag ako para sabihing may iniwan akong birthday gift sa upper left drawer ng white cabinet natin. Sana magustuhan mo."Bahagyang nagsalubong ang mga kilay niya. “Nag-abala ka pang bumili ng regalo, Noah. Maghihiwalay rin naman tayo,” aniya saka mariing napapikit nang ma-realize ang nasabi.“Alam ko naman ‘yon, Nicole. Pero kailangan ko pa ring gampanan ang pagiging asawa mo. Hayaan mo man lang akong makabawi sa biglaan kong desisyon,” saad nito.Nakagat niya ang pang-ibabang labi. Hindi niya tuloy malaman kung ano ang mararamdaman sa tuwing ganito si Noah. Gusto niya mang mas mainis pero wala siyang makitang ibang rason maliban sa pakikipaghiwalay nito.Dahil kahit noon pa man ay mabait na ito sa kaniya. Kaya nga wala siyang maisumbat na pagkakamali ngayon kahit nagawa siya nitong saktan sa mismong araw ng kaniyang kaarawan.Matapos ang kanilang pag-uusap ay saka lang nito pinakawalan ang emosyong kanina pa nito pinipigilan.Nang may kumatok sa pinto ay saka siya tumigil sa pag-iyak. “Bakit po?” aniya at agad na pinunasan ang luha sa pisngi.“Ma’am, ano pong gagawin ko sa mga pagkaing pinahanda niyo kanina?” tanong ni Lucia, isa sa matagal ng kasambahay ng pamilya at pinagkakatiwalaan ng matandang Saavedra.“Kainin niyo na lang, Manang,” aniya na walang balak magpakita dahil sa itsura niya ngayon.Ilang sandali pa ay lumapit siya sa cabinet para sundin ang sinabi ng asawa. Tumagal ang paghahanap niya ng ilang minuto hanggang sa nahanap nito ang isang kulay itim na box na katamtaman lamang ang laki. Tikom ang bibig niya itong kinuha at binuksan.May card siyang nakita ngunit wala namang kahit anong nakasulat doon.Blanko 'yon. Wala man lang nakasulat kahit simpleng 'Happy birthday, Nicole.'Napasimangot si Nicole at naramdaman na naman ang luhang nangingilid sa kaniyang mga mata. Pinagmasdan niya ang laman ng kahon, isang diamond necklace na may nakakabit pang price tag. Halatang hindi pa nagagalaw magmula noong binili.Hindi niya inaasahang bibilhan siya ng ganitong birthday gift ni Noah dahil alam naman nitong hindi siya mahilig gumamit ng kahit anong accessories sa katawan. Kontento na nga siya sa simpleng bistida, face powder at lipstick sa tuwing lumalabas sila.“Ang gandang regalo para sa paghihiwalay nating dalawa,” saad ni Nicole kahit taliwas ito sa totoo niyang nararamdaman.Pinagmasdan nitong muli ang kwintas at napatanong na lamang kung totoo bang binili ito ng asawa para sa kaniya o baka naman napilitan itong ibigay ang dapat na regalo kay Ella bilang pampalubag-loob.PAGSAPIT NG TANGHALI ay naabutan niyang hawak ni Lucia ang baked macaroni na pinaghirapan niyang gawin ngunit hindi man lang natikman ni Noah.“M-Manang Lucia!” tawag niya habang nakatitig sa hawak ng ginang. “Saan niyo po dadalhin 'yan?"“Ibibigay ko na sana—““’Wag na lang po!” pigil niya agad.Parang biglang nagbago ang isip nito nang makaramdam siya ng konting kirot sa dibdib habang nakatingin sa pagkaing pinaghirapan niyang gawin.“Akin na po, para sana ‘to kay Noah. Kumuha na lang po kayo ng dalawang tub ng ice cream sa fridge para maging dessert ninyong lahat.”“Gano’n ba? Pero hindi naman mahilig si Sir Noah sa mga mamantikang pagkain,” saad pa ng katulong.Alam niya naman iyon kaya nga sinigurado niyang katamtaman lamang at hindi nakakaumay ang timpla nang hinanda niyang baked macaroni. Sinadya nga nitong olive oil ang gamitin dahil gusto nitong ma-appreciate ng asawa ang niluto niya at hindi ito maumay mula sa sobrang mantika.“Kakainin niyo pong mag-isa lahat, Ma’am? Pero h
KUMUNOT ang noo ni Miguel na para bang wala itong ideya sa mga salitang lumalabas ngayon sa kaniyang bibig. Para siyang nakikipag-usap ngayon sa isang batang walang muwang na gusto lamang magsauli ng bote ng soft drinks sa tindahan.“Alam mong may ibang kasamang babae ang asawa mo tapos okay lang sa’yo? Mapapalampas pa sana kung kaibigan, pero ex-girlfriend niya ‘yon, Nicole! Nahihibang ka na ba talaga o nagbubulag-bulagan ka lang?”Biglang naguluhan si Nicole sa kaniyang narinig. “Ako lang ba ang nakapansin o concern ka lang sa akin?”Marahas itong napabuntong-hininga saka matiim siyang tinitigan.“Hindi rin…ang akin lang ay ikaw ang asawa. May karapatan kang kontrolin kung ano mang pinaggagagawa nitong si Noah. Maliban na lang kung gusto mong masaktan sa huli at mapunta siya sa iba?"“Parang nagbago yata ang ihip ng hangin at bigla kang bumait, Miguel? Dati-rati naman ay ayaw mo sa'kin para kay Noah.”Lumalim bigla ang gatla nito sa noo. “Kasi hindi pa naman kita gaanong kilala noon
SA KABILA nang magiging presensya ni Ella sa birthday party ng lolo ng kaniyang asawa ay pinaunlakan pa rin nito ang paanyaya ni Noah na magkasama silang bibili ng regalo para rito.Kung noon ay walang mapagsidlan ang tuwa niya sa tuwing sabay silang naglalakad sa harapan ng maraming tao, ngayon naman ay sinasadya nitong magpahuli.Mag-asawa man sila kung ituring ngunit malinaw na sa kaniya ang kasalukuyan nitong posisyon sa puso ni Noah.Hindi naman siya tanga upang ipagsiksikan ang sarili."Why don't we look for a watch?" ani Noah kaya natigilan ito sa paglalakad.Muntik pa siyang masubsob sa likod ng asawa dahil para siyang buntot na nakasunod dito magmula kanina.Bilang at maingat kasi ang bawat hakbang na ginagawa niya mapanatili lamang ang ilang pulgadang distansya sa pagitan nilang dalawa."Hmm. Sure," sagot niya saka napatango na lamang.Hindi materialistic ang lolo ni Noah kaya alam niyang matutuwa ito kahit hindi imported at mamahaling relos ang bibilhin nila para rito, but
NANATILI ang katahimikan ni Nicole hanggang muli nilang marating ang kinaroroonan ng asawa. Mas pinili nitong huwag na lamang sumagot kay Ella at baka magmukha lamang siyang masama kapag nakuha nito ang atensyon ng mga taong pumapasok ng rest room.Maliban sa bahagya nang umiinit ang tainga niya sa takbo ng usapan ay pansin nitong unti-unti na rin siyang pinagtataasan ng boses ng kausap. Iyon din ang dahilan kung bakit mas pinili niyang huwag na lamang itong patulan."Sa tingin mo ba magugustuhan ito ni Lolo?" ani Noah habang nakatingin sa kaniyang direksyon.Ibubuka pa lamang sana ni Nicole ang labi upang sagutin ang tanong nito ngunit naunahan siya ng masiglang sagot ni Ella."Oo naman, Love. Mukhang mamahalin at classy ang design, I'm sure babagay ang relong 'yan sa kahit anong soutin ng lolo mo."'Love?'Muntik na siyang masamid ng sariling laway dahil sa narinig.Nagmukha tuloy hangin ang presensya niya dahil sa lakas ng loob nitong tawaging 'love' si Noah sa mismong harapan niya
SINUBUKAN nitong pakalmahin ang sarili ngunit nanatiling mabigat ang mga yapak ni Nicole habang naglalakad sa tabi ng asawa.Ramdam niya ang mga matang nakapako sa kanilang dalawa habang papasok sa mansyon ng mga Saavedra ngunit binalewala niya iyon. Walang ibang laman ang isipan ni Nicole kung hindi ang kagustuhan nitong maibigay ang regalong hawak bago pa man siya maunahan ni Ella."Nicole? What's wrong?" tanong ni Noah pagkatapos siyang lingunin.Umiling lamang ito saka mas hinigpitan ang pagkakahawak sa braso ng asawa."Ha? Wala naman, Noah. Hindi ko lang inasahang mas marami palang bisita ang Lolo Arman ngayong birthday niya."Kimi siyang ngumiti para kumbinsihin itong 'yon lamang ang dahilan sa likod nang pagiging balisa niya, kahit ang totoong dahilan sa likod n'yon ay ang mga bagay na paulit-ulit na gumugulo sa kaniyang isipan."Is it my fault?" mahina nitong tanong saka bumuntong-hininga. "Dahil ba sa ginawa kong pagha—" Mabilis siyang umiling para huwag nang matapos ni Noah
Napailing si Noah at napabuntong-hininga. Kapagkuwan ay napasulyap ito sa kaniyang direksyon na tila ba may gusto itong sabihin."What do you mean, Ella?" ani Lolo Arman saka nagpalipat-lipat ang tingin sa dalawa.Lihim siyang napahugot ng malalim na hininga. Maari bang magpaalam muna siya papuntang rest room nang sa gano'n ay tapos na ang usapan sa pagbalik niya?Ayaw na nitong dagdagan pa ang bigat na nararamdaman sa kaniyang dibdib at baka mamaya ay higit pa sa luhang pinakawalan ni Noah ang kumawala sa kaniyang mga mata. Wala rin naman itong balak na magmukhang kawawa sa harapan ng mga bisita ni Lolo Arman kapag sinabi na ng asawa ang malungkot na balita tungkol sa kanilang magiging annulment.Ramdam nitong sinusubukang itago ni Ella ang tuwa ngunit mahahalata pa rin 'yon sa kinang ng mga mata nito. Para bang may balak pa itong gawan siya ng mahabang farewell message oras na malaman ng mga Saavedra ang malungkot na balita."Let's talk about it some other time, Grandpa. It's your b
Huminga siya nang malalim saka mabigat ang kalooban na nagtungo sa dessert section pagkatapos makatanggap ng mahabang katahimikan mula kay Noah. Inasahan niyang may sasabihin man lang ito sa naging tanong niya ngunit ilang minuto lamang silang nagkatitigan. 'Ano ba talaga ang nangyayari, Noah?' bulong niya habang nasa harapan ng chocolate fountain. Hindi nito malaman ang dahilan kung bakit nangingilid ang luha sa mga mata habang iniisip ang mga sekretong tinatago ng asawa magmula nang bumalik ang dati nitong kasintahan. Ang dahilan sa pagkakalumpo ni Ella, ang gaganaping physical therapy at marami pang iba. Hindi naman siguro masamang malaman niya ang mga bagay na 'yon bago siya maglaho na parang bula sa buhay nito, hindi ba? Humigpit ang pagkakahawak niya sa puting ceramic plate na hawak saka mariing ipinikit ang mga mata. Gusto niyang balewalain na lamang ang nalaman at pilitin ang sariling huwag nang manghimasok sa buhay ng asawa ngunit kaagad din siyang napamulat nang
"Are you okay, Nicole?" untag ni Noah na tuluyan nang binasag ang katahimikan sa pagitan nilang dalawa.Gustuhin man nitong sagutin nang maayos ang asawa ngunit awtomatiko siyang natahimik pagkatapos makitang lumapit ang wheelchair ni Ella sa kinatatayuan ni Noah.Parang kanina lang iniwan niya ito sa loob ng restroom kasama ang binitiwan nitong tanong tungkol sa kaniyang ipinagbubuntis. Mabuti na lang at napansin niyang kasama pala nito ang caregiver habang nakasandal ang wheelchair na kinaroroonan nito sa isang cubicle."Ayos lang ako, Noah. May nakain lang siguro akong nakapagpabaliktad ng sikmura ko," pagsisinungaling niya.Matiim itong tumitig sa kaniya saka napabuga ng marahas na hininga. "Kailangan mong maging maingat sa mga kinakain mo, okay? Last time allergy, ngayon naman sumama ang sikmura mo. Huwag na nating hintaying mas malala pa."Imbes na mainis ay napangiti lamang siya sa mahaba nitong sermon.Sinong mag-aakalang magagawang ipakita ni Noah ang concern na nararamdaman