Chapter 13

POV: Harvy

"Magkatulad talaga kayo ng ugali ni Ami, pati mga salitain magkapareho" naiiling niyang sabi kay Dahlia habang nasa canteen sila ng ospital. Pinili nila sa sulok para walang makakarinig ng usapan nila.

"Matagal ko ng kaibigan si Ami. Mabuti siyang tao at sweet. Kung lalaki lang ako magugustuhan ko siya bilang babae" pagtatanggol ni Dahlia sa kaibigan.

"Alam kong mabuti si Ami, hindi naman siya magugustuhan ni Lolo kung hindi siya mabait. Kita mo naman hanggang ngayon wiling wili sa kanya ang matanda" wika niya.

"Ano bang pag uusapan natin?" tanong ng babae.

"Dumating na si Audrey. Gusto nga niyang pumunta sa condo, sabi ko sa labas na lang kami magkita."

"Anong plano mo?"

"Magsasabi na ko sa kanya. Mahirap kasi na sa iba pa niya malalaman."

"Karapatan niyang malaman, para hindi niya ako sugurin. Tutulong lang ako sayo. Hindi ko ito ginusto."

"Hindi nga ba?"

Napatingin sa kanya ang babae.

"Oh, eh di wag na nating ituloy, ano bang pakialam ko sayo?" nakataas ang kilay nito.