TMST 13 - No Way Out

"Hold up? Seryoso ka Manong? Alam mo bang buntis ang kasama ko? Makonsensya ka naman!" Gulat na nilingon ni Lucky si Maya. Hindi siya lubos na makapaniwala sa sinabi nito, hindi ba ito natatakot? Nasa panganib ang buhay nila pero parang wala lang sa assistant at nagawa pang sigawan ang holdaper nila.

"Huwag kami Manong, ah? Marami din kaming problema, alam mo ba itong kasama ko? Iniwan siya ng tatay ng baby niya. Next time mo na lang kami holdapin, pwede ba?"

"Maya!" pabulong na sita ni Lucky. Pambihira baka mapatay pa sila ng holdaper dahil sa kadaldalan ng assistant niya.

Ang matandang driver naman ay nakamot ang ulo. Hindi niya inaasahan na ganito ang magiging reaksyon ng isa sa mga babaeng pasahero niya.

"Ma'am, relax lang. Nagbibiro lang ako..." Wala ng nagawa ang driver kundi ang umamin. "Hindi talaga ako driver ng booking app. Personal driver ako ni Mrs. Gevorgian at pinasusundo niya sa airport si Miss Lucky."

Nagkatinginan si Lucky at Maya.

"Si Tita Beth?" hindi makapani