Zeph Pov
Hindi ko maiwasang mapatitig sa mukha ni Alpha Hunter na ngayon ay nakatitig din sa akin. Tunay ngang napaka-guwapo niya at ang isang katulad ni Hillary lamang na anak ng isang beta ang nababagay sa kanya. Maganda kasi si Hillary, matalino at anak ng pangalawa sa alpha na may pinakamataas na rank sa isang pack. Ang kaso ang panget ng ugali niya kaya hindi rin pala siya nararapat na maging luna ni Alpha Hunter. Medyo napangiwi ako sa huling mga sakita na naisip ko patungkol kay Hillary. Kung nababasa lamang niya ang aking isip ay natitiyak ko na kinalbo na niya ako ngayon. Pasalamat ako na walang sinuman ang may kakayahan na basahin ang nilalaman ng aking isipan. Bagama't hindi ko kaya ang mind reader na isa sa mga common abilities ng taong-lobo na may malakas na kapangyarihan ay hindi rin naman nila nababasa kung ano ang iniisip ko. Hindi ko alam kung bakit ganoon ngunit ipinagpapasalamat ko na walang nakakabasa sa aking isip lalo na sina Hillary at Sir Keiver. Dahil kung nagkataong nababasa nila ang iniisip ko ay siguradong palaging bugbog ang aabutin ko sa kanilang dalawa. Madalas kasi minu-murder ko sa aking isipan silang dalawa lalo na si Hillary.
"Bakit mo tinititigan si Hunter ng ganyan, Zeph? May pagnanasa ka ba sa kanya?" galit na sita sa akin ni Hillary na siyang nagpabalik sa aking isip sa sitwasyon ko ngayon. "Ha?" parang tangang sagot ko sa kanya. Mula sa mukha niya ay lumipad ang tingin ko sa mukha ni Alpha Hunter na nananatiling nakatingin pa rin sa akin. Ngunit wala pang dalawang segundo ay iniiwas ko ang aking paningin sa kanya at ibinaling kay Hillary na hindi ma-drawing ang pagmumukha."Ang sabi ko bakit mo tinititigan si Alpha Hunter? May gusto ka ba sa kanya?" nandidilat ang mga matang tanong ulit sa akin ni Hillary."Tinitigan ko ba siya?" tanong ko ngunit para sa aking sarili lamang. Medyo naging lutang ang isip ko kaya hindi ko yata namalayang nakatitig na pala ako ng matagal kay Alpha Hunter. "Nakatitig ka rin sa kanya, Hillary. Ibig bang sabihin ay may gusto ka rin sa kanya?" pa-inosenteng tanong ko naman sa kanya.
"How dare you talk back to me, Zeph!" galit na singhal niya sa akin na tila napahiya kay Alpha Hunter dahil sa sinabi ko. Ano ba ang ikakahiya niya gayong halos lahat ng mga tao ay alam na may gusto siya sa aming alpha?"Interesting," sambit ni Alpha Hunter. Hindi ko alam kung ako ba ang kinakausap niya o si Hillary. Pero sa akin kasi siya nakatingin nang sinabi niya ang katagang iyon kaya baka ako nga ang kinausap niya."I'm sorry, Alpha Hunter. Hindi ko alam na sa'yo pala ang panyo na ito," paumanhin ko sa kanya."Naibalik mo na ang panyo ni Alpha Hunter kaya tumayo ka na diyan at umalis, Zeph. At sa susunod ay huwag ka nang mamumulot ng panyo na hindi sa'yo," mariin ang boses na utos sa akin ni Sir Keiver.
"Kung alam ko lang na ang alpha namin ang nagpahiram sa akin ng panyo kanina ay hindi ko na sana tinanggap pa," mahina ang boses na kausap ko sa aking sarili at tanging ako lamang ang nakarinig. Ngunit nang muli akong mapatingin sa mukha ni Alpha Hunter ay nakita kong nakakunot ang noo niya na tila ba may hindi ito nagustuhan. Kinabahan ako na baka narinig niya ang sinabi ko kaya mabilis kong inalis sa kanya ang aking mga mata pagkatapos ay pabigla akong tumayo para umalis na. Nakalimutan ko na pinatikim pala ako ng lashes ni Sir Keiver at pagtayo ko ay biglang naramdaman ko ang matinding kirot sa aking likuran kaya hindi sinasadyang bumuway ang aking pagkakatayo. Akala ko ay matutumba ako ngunit hindi nangyari dahil mabilis akong naagapan ni Alpha Hunter. Maliksing naipalibot niya sa aking baywang ang isa niyang braso at automatic namang pumalibot ang isa kong braso sa kanyang leeg kaya hindi ako natumba. Napaangat ako ng tingin sa mukha niya dahil nag-alala ako na baka magalit siya sa ginawa ko. Nang makita kong nakatingin siya sa akin habang nakakunot ang noo ay bigla akong napabitaw sa kanya. Ngunit sa pagkakataong ito ay siniguro ko na hindi na ako matutumba sa pagkakatayo. "Sorry ulit, Alpha Hunter. Instinct lamang ang nangyari kaya napakapit ako sa'yo," mabilis kong paliwanag sa kanya."Really interesting," sambit ni Alpha Hunter. Hindi ko alam kung sino ba ang tinutukoy niyang interesting. Pero bakit naman sa akin siya nakatingin?
"Pumasok ka na sa kuwarto mo, Zeph," malakaa ang boses na utos sa akin ni Sir Keiver. Walang kibo na naglakad ako palayo sa kanila matapos kong tapunan ng huling tingin si Alpha Hunter.
Paika-ikang naglakad ako papunta sa kuwarto ko. Hindi ko napigilan ang mapaungol ng bahagya nang maupo ako sa bedside ng aking higaan.
Unexpected ang pagdating ni Alpha Hunter ngunit nagpapasalamat pa rin ako na dumating siya dahil hindi na itinuloy ni Sir Keiver ang paglatigo sa akin. Kung hindi siya dumating ay baka gumagapang na naman ako ngayon papasok sa kuwarto ko dahil hindi ko kayang tumayo dahil sa sobrang sakit ng katawan ko.
"How dare you para ipahiya ako, Zeph!" galit na sabi ni Hillary na biglang sumunod sa akin sa loob ng aking silid. Bago pa ako makapagsalita ay nakalapit na siya sa akin at binigyan ako ng isang malakas na sampal. "Subukan mo pa akong ipahiya sa harapan ni Alpha Hunter ay tinitiyak ko sa'yo na hindi lamang iyan ang matitikman mo," banta niya sa akin bago lumabas sa maliit at masikip kong kuwarto.
Napahawak na lamang ako sa aking pisngi na nasampal ni Hillary. Bigla iyong nangapal at humapdi. Pagtingin ko sa aking palad ay may dugo kaya dali-dali akong nagtungo sa harapan ng lumang aparador na may salamin. Maliban sa mahapdi ang pisngi ko dahil sa malakas na sampal ni Hillary ay may sugat din pala ang mukha ko. Isang maliit na scratch na natitiyak kong galing sa kanyang suot na singsing. May singsing kasi ang isang daliri ni Hillary kaya iyon ang humiwa sa pisngi. Malungkot na napatitig na lamang ako sa repleksiyon ko sa salamin. Kailan kaya ako makakaalis sa pagiging alipin sa bahay na ito? Kailan ba ako makakaligtas sa sitwasyon kong ito? Forever na lang ba akong ganito? Isang mahina at inaaping taong-lobo?
Alpha Hunter PovNasa loob kami nina Asher, Sami at Ruyi sa mini bar sa loob ng bahay ko at umiinom ng alak. Pagkagaling namin sa bahay ni Beta Keiver ay dito na kami dumiretso agad. Habang sinisimsim ko ang alak sa aking baso ay parang nakikita ko sa loob ng baso ang mukha ni Zeph. Napakaganda nito. Maliit lamang ang mukha nito na tila kasya lamang sa isa kong palad. Bilugan ang mga mata nito na binagayan ng mahaba at malalantik na pilik-mata. Katamtaman lamang ang tangos ng mukha nito at sa tingin ko ay bagay lamang sa kanyang mukha ang ganoon katangos na ilong. Mapupula ang mga labi nito na walang bahid ng anumang kolorete sa mga labi. May isang malalim na dimple ito sa gilid ng mga labi na hindi na kailangang sadyain pang ipakita para lamang mapansin ng mga tao dahil kusang lumalabas iyon sa tuwing siya ay nagsasalita. Makinis ang mamula-mula nitong balat. Ngunit natitiyak ko na may mga latay ito sa likuran na sanhi ng paghahagupit sa kanya ng latigo ni Beta Keiver. Natatago lama
Zeph PovMasakit man ang aking katawan dahil sa mga latay ng latigo ni Sir Keiver ay wala akong choice kundi ang sundin ang kanyang ipinag-uutos. Inutusan niya akong dalhin sa kaibigan nitong si Amy ang isang bote ng pabango. Nakakatakot pa naman ang daan papunta sa bahay nina Amy dahil nasa loob ng masukal na kagubatan ang kanilang malaking bahay. May isa pang daan papunta sa bahay nina Amy na hindi dadaan sa masukal na kagubatan ngunit malayo naman iyon sa bahay nina Sir Keiver. Masyado na akong aabutan ng dilim kung iyon ang pipiliin ko. Kaya kahit na nakakatakot ang daanan na masukal ay iyon ang aking pinili dahil mas malapit iyon. Kung lumabas na sana ang aking kakayahan bilang taong-lobo ay mabilis sana akong makakarating sa bahay nina Amy. Kaso para lamang normal na tao ang aking lakas at ewan kung may kakayahan nga ba ako ng isang taong-lobo at hindi pa lamang lumalabas o sadyang wala talaga akong abilities katulad nila.Gusto ko sanang tanggihan si Hillary at sabihin sa kan
Zeph PovNang muling maglakad palapit sa akin ang lalaki ay mabilis akong tumayo. Pasimpleng iniikot ko ang aking paningin sa aking paligid para alamin kung may bagay ba akong makikita na maaari kong gamitin laban sa kanya. Ngunit biglang tinakpan ng makapal na ulap ang buwan kaya biglang dumilim ang paligid. Hindi ko tuloy makita kung may bagay ba sa paligid ko na makakatulong sa akin para maipagtanggol ko ang aking sarili. Ngunit hindi ako pinanghinaan ng loob. Maraming pagsubok na akong dinaanan at hindi lang ito ang unang beses na may nagtangka ng masama laban sa akin ngunit lahat sila ay hindi nagtagumpay sa masama nilang plano sa akin. Kaya naniniwala ako na sa pagkakataong ito ay hindi rin magtatagumpay ang lalaking ito sa anumang binabalak niya laban sa akin.Katulad ng sinabi ko ay hindi lang ito ang unang beses na may nagtangka ng masama sa buhay ko dahil dalawang beses nang may inutusan si Hillary para turuan ako ng leksiyon. Iyong una ay itinulak ako sa mataas na hagdan sa
Zeph PovNakaramdam ako ng kaligtasan nang makita kong biglang dumating si Alpha Hunter. Kahit isa akong omega ay miyembro pa rin ako ng kanyang pack kaya natitiyak ko na hindi niya ako pababayaan. Gusto kong maiyak nang tapunan niya ako ng tingin ngunit pinigilan ko ang aking sarili na gawin iyon. Higit sa lahat, ayokong makita ng kahit na sino na umiiyak ako. Iisipin nila na isa akong mahina kaya mas lalo lamang nila akong aapihin. Iyong time na nasaksihan ni Alpha Hunter ang pag-iyak ko ay hindi iyon sinasadya. Kung al ko lamang na hindi ako nag-iisa sa itaas ng rooftop ay pinigilan ko sana ang mapaiyak ng malakas."Do you have a death wish? Ang lakas ng loob mo na manakit ng miyembro ng aking pack at dito pa mismo sa aking teritoryo," madilim ang mukha at mapanganib ang boses na sita ni Alpha Hunter sa taong-lobo na nagtatangka ng masama laban sa akin. Dahil sa sinabi ni Alpha Hunter kaya nalaman ko na hindi pala miyembro ng Golden Wolf Pack ang lalaking ito na initusan ni Hilla
Zeph PovPagdating ko sa bahay nina Hillary ay bigla siyang napasimangot nang makita niya ako. "Bakit buhay ka pa?" matalim ang tingin na sita niya sa akin. "Ang ibig kong sabihin ay mabuti at walang nangyari sa'yo sa daan. Pasusundan na sana kita kay Melong ngunit naisip ko na baka magkaiba kayo ng dadaanan magkasalungat pa kayo kaya hindi ko na lamang siya pinasunod sa'yo," biglang bawi ni Hillary. Mabilis ding nawala ang talim sa kanyang tingin ngunit makikita pa rin ang disappointment sa kanyang mukha. Iniisip siguro niya na uuwi ako sa bahay nila na punit-punit ang damit at bugbog-sarado. O baka iniisip niya na hindi na ako makakauwi pa sa bahay nila."Siyempre buhay pa ako. Ngunit muntik na akong mapahamak dahil sa isang Dust Wolf na nagtangka ng masama laban sa akin. Nguniy hindi siya nagtagumpay dahil dumating si Alpha Hunter at iniligtas niya ako," pagbabalita ko sa kanya. Biglang namutla ang mukha ni Hillary nang marinig ang pangalan ni Alpha Hunter. Alam kong natatakot at
Keiver PovKakagaling ko pa lamang sa bahay ng isa sa pinagkakatiwalaan kong tauhan dahil pinag-usapan namin kung paano namin masisira ang pangalan ni Alpha Hunter. Hanggang ngayon ay hindi ko pa rin matanggap na siya ang naging alpha sa halip na ako. Hindi ko matanggap na nasa ilalim ako ng pamamahala ng isang teenager. Malaki ang naging ambag ko kung bakit ang ama ni Alpha Hunter ang naging alpha noon. Ginawa ko ang lahat para maging matatag siya sa kanyang posisyon bilang alpha. Sinunod ang lahat ng mga ipinag-utos niya sa akin at nagpaalipin ako sa kanya dahil umasa ako na kapag namatay siya ay ako ang ipapalit niya sa kanya bilang bagong alpha ng Golden Wolf Pack. Ngunit sa aking malaking pagkadismaya ay ipinamana niya ang titulo sa kanyang legitimate na anak na noon ay maglalabinwalong taong gulang pa lamang. Bagama't malakas at matapang si Hunter ay hindi ko pa rin siya gusto na siyang papalit na maging alpha ng aming pack. Maliban sa masyado siyang bata pa ay sobrang malaki n
Beta Keiver PovMatapos pumasok sa isip ko ang isang ideya ay agad akong lumabas sa kuwarto ni Zeph at iniwan siya para puntahan ang taong makakatulong sa akin para maisakatuparan ko ang binabalak kong gawin. Ilang minuto lamang ay nakarating ako sa isang bahay na nasa gitna ng gubat. Gawa ang bahay sa pinagtagni-tagning palapa ng niyog ngunit maganda ang pagkakagawa kahit luma na iyon. Sa labas pa lamang ng bahay ay nararamdaman ko nna agad ang malamig na aura na nagmumula sa loob ng bahay. At ang nagmamay-ari ng bahay na ito ay walang iba kundi si Urusula. Ang kinatatakutang witch sa lugar namin. Malupit kasi ito kaya iniiwasan ng lahat ang mapagawi sa lugar kung saan nakatayo ang bahay niya.Madalas ay nananatili lamang si Urusula sa loob ng bahay niya dahil natatakot siya na makasalubong niya si Alpha Hunter. Ang batang alpha namin ang tanging kinatatakutang nilalang ni Urusula. Kahit anong kapangyarihan kasi ang gamitin niya laban kay Alpha Hunter ay hindi ito tinatalaban. Hindi
Zeph PovNagising ako na medyo mabigat ang pakiramdam ko. Para bang may bahagi ng aking katawan ang nawawala. Bumangon ako sa kama at nag-unat-unat ng aking mga braso. Wala namang kulang sa akin. It's weird. Complete pa naman ang buo kong katawan ngunit hindi pa rin nawawala ang aking pakiramdam na tila may nawala sa katawan ko. Ipinilig ko na lamang ang aking ulo at pilit na iwinaglit ang weird na pakiramdam kong ito. Nagtungo ako sa maliit kong banyo para maghilamos at mag-toothbrush. Paglabas ko ay agad kong hinagilap ang aking face towel para ipampunas sa aking mukha. Humarap ako sa maliit na na salamin habang pinupunasan ko ng bimpo ang aking mukha. Mayamaya ay bigla akong natigilan nang mapatitig ako sa aking repleksiyon sa salamin. Naalala ko na ang nangyari kagabi. Biglang may lumabas na drawing na tila buwan sa aking noo. Magliliwanag iyon at sobrang mainit sa aking noo. Kinapa-kapa ko ang aking noo ngunit wala namang indikasyon na may naka-drawing sa noo ko. Hindi ko tuloy