KABANATA 13

Kasalukuyang taon...

Abala si Aling Sabelia sa pagluluto sa kusina habang si Rycon naman ang taga igib ng tubig na kaniyang gagamitin para sa pagluluto. Nagpresenta ang kaniyang anak na maging pansamtantala niyang katulong habang hindi pa ito nakakahanap ng pagkakaabalahan. Tahimik lamang si Rycon na nag-iigib ng tubig mula sa balon nang makarinig siya ng kalansing ng mga armas mula sa labas ng bakod kung nasaan ang malaking balon. Pansamantala niyang ibinaba ang dala-dalang dalawang timba na may lamang tubig ay dahan-dahan na naglakad palapit sa mababang bakod. Dahil likas siyang matangkad ay nagawa niyang silipin iyon habang nakatayo lamang.

Nakita niya ang iilang mga binatilyo na nag-eensayo gamit ang espada. Sinasanay sila sa tulong ng punong kawal na si Suvan at ang bunsong anak ng Supremo na si Prinsipe Zaitan. Napatingin si Rycon sa Prinsipe na may makisig na pangangatawan. Nalaman niyang magkasing edad lamang sila ng Prinsipe. Narinig niya mula sa mga usap-usapan sa paligid na