Chapter 24

Ngumuso siya at humugot ng malalim na hininga. Habang abala siya sa pagguguhit ay hindi niya napansing nagsisimula na palang pumatak ang ulan. Hindi naman malakas dahil kahit sa malakas na pag-ulan ay kitang-kita niya pa rin ang sikat ng araw. It’s raining and sunny at the same time.

Nagbaba siya ng tingin sa kanyang ginuguhit at muling ngumuso. Wala man lang sumilip sa kanya sa silid na ‘to para magtanong kung anong gusto niyang kainin. Sana talaga ay sumang-ayon na lang siya sa sinabi nung babaeng kausap niya kanina. E ‘di sana may pagkain siya ngayon dito.

“Wala bang tatanong sa ‘kin kung nagugutom ako?” wala sa sarili niyang tanong habang nakatingin sa pinto.

Inis niyang binitiwan ang kanyang hawak na lapis at humiga sa kama. Gustuhin niya mang lumabas ng silid ngunit baka sungitan na naman siya ng masungit niyang amo na para bang ipinaglihi sa sama ng loob.

Humugot siya ng malalim na hininga at pinikit ang mga mata. Gutom na gutom na siya ngunit ang bahay na ito ay para bang sepa