Chapter 15

Chapter 15

"Marion, inom ka muna, baka naman madehydrate ka na kakaiyak," halata ang pag-aalala sa boses na sabi ni Grant habang nakaupo sila sa foodcourt ng mall na iyon.

Inabutan siya nito ng bottled mineral water. Binuksan nito ang takip at itinapat sa bibig niya. Dahil pakiramdam nga niya ay natutuyuan na siya kakaiyak ay ininom niya ang malamig na tubig. Nilagok niya iyon ng diretso.

Medyo nagluwag ang nagsisikip na dibdib niya dahil sa nalamang resulta na buntis nga talaga siya.

"S-Salamat."

Bahagya nitong tinapik ang balikat niya at malungkot siyang nginitian.

"Alam ko wala ka pang plano kaya hindi ko na tatanungin kung ano'ng balak mo? Pero tingin ko, hindi mo dapat pinapasang mag-isa 'yan."

"K-Kaya nga, eh. Loko 'yang kaibigan mo, mukhang balak pa kong takbuhan, eh," maktol niya.

"Wag kang mag-alala, kakausapin ko siya bukas na bukas din."

Napatitig siya dito. Hindi niya akalain na napakasincere palang tao ng isang Grant Tyler. Buong akala niya noon ay wala itong pakialam sa