Chapter 13

        True to his word, maaga pa lang ay nakaabang na sa kanyang paglabas si Zeus. Prenteng nakasandal ito sa dingding sa gilid ng pinto ng kanilang classroom nang sila ay lumabas. Umaliwalas ang mukha nito nang makita siyang lumabas ng silid. Maagap na kinuha nito sa kanya ang kanyang bag at inalalayan siya.

        "Ayieee.. kinikilig ako. Sana all." bulong sa kanya ni Ninia na mukha namang nakarating sa pandinig ni Zeus base sa amusement na mababakas sa kanyang mga mata. 

        Pinandilatan niya ang kaibigan ngunit mukhang hindi ito paaawat sa panunukso. "Zeus, alagaan mo ang puso ng kaibigan ko ha. NBSB yan."

        Of course, he knew it. Ito lang naman ang matiyagang bumakod sa dalaga at tumaboy sa mga nagtangkang manligaw kay Fritzene.

        Nakangiti namang tumugon si Zeus kay Ninia. "Of course, Ninia.. promise." Itinaas pa nito ang k