Chapter 21.1: Ang Malamig Na Kweba

Chapter 21.1: Ang Malamig Na Kweba

Written By: Cristina de Leon

HINABOL ni Wayne si Lana na ngayon ay papasok na sa baryo ng mga ito. Nasa bukana pa lamang sila ng malaking pintuan ng baryo pero may nakasalubong na agad silang mga taga Slavery District.

Hindi nagdalawang isip ang mga taga Slavery District, sinugod siya ng mga ito ng mga patalim at baril na para bang hindi siya nakikilala bilang magiging susunod na hari ng Wayne Kingdom.

"Ano'ng ginagawa n'yo? Nakikilala ny'o ba kung sino ako?! Ang lalakas naman ng loob n'yo!" sabi niya sa pagitan ng pag-iwas sa mga ito. Nagawa pa niyang salagin ang balisong na hawak ng isa.

"Naging traydor ka simula nang iwan mo ang trono para sa babaeng 'yan!"

"Tama! Hindi ka na karapat-dapat para maging hari!"

"Si Prince Chaos na ang susundin namin simula ngayon!"

Sunod-sunod na sabi ng mga ito sabay mas lalo pang pinag-igtinginan ang pagsugod s