Share

Chapter 2

Well yeah! Last semester for school year at gra-graduate na ako ng College!

I'm with the gang.

On my left is Martha. Pero sa totoong buhay siya si Mart, gay siya. Siya yung kaibigan kong matalino pero nasobrahan sa diet, mayaman naman pero parang walang kinakain. Napakapayat kasi. Sa tabi niya si Eula, sexy at sobrang hot. Pero isa siyang shrimp. Tapon ulo. Kahit sa studies tapon ulo rin. Mayaman lang ito kaya nakakapasa. Alam 'nyo na 'yun.

On my right is Mahinhin.

Mahinhin talaga pangalan niya, pero kabaliktaran ang ugali niya.

Mahinhindutin at kung sino-sino ang nagiging boyfriend.

Para lang siyang nagpapalit ng panty 'pag nagpapalit ng boyfie.

Well don't get me wrong huh! Sigurado kasi ako na kapag kuwento na nila ganito rin nila ako i-describe. Nauna lang ang kuwento ko... put my evil laugh on the background!

At ako, ang Diyosa sa kanilang lahat!

I'm confident na naglalakad sa gitna ng corridor kasama ang aking mga barkada nang biglang may bumangga sa akin.

"Hoy taba, huwag mo sarilinin 'tong corridor. Magdiet ka nga, sinarili mo na tong daanan e. Baka di ka na kumasya sa pinto!" Panunuya ng isang lalaki sa akin, isa siya sa mga bully sa school. Nakangisi pa, labas na labas tuloy ang nagyeyellow nitong ngipin.

Pwede na sana ibenta kaya lang baka walang bibili, parang imburnal kasi ang amoy. Gold nga amoy putik kalye naman.

Nagtawanan ang mga nakarinig.

Taas noo pa rin akong nagpatuloy sa paglalakad.

Wala akong narinig at nakita!

"Tang-ina ang lakas ng apog a!" Muling pang-aasar nito sa akin.

Taas kilay, mataray na irap at isang middle finger.For you Mr. Bully.

Ito naman ang tinawanan ng mga nakapaligid.

"Ano?" Mataray na tanong ni Martha rito. Mas mataas pa sa taas ng kilay ko kanina ang kilay niya. Isa pa, natuto na kaming lumaban sa pambubully ng iba. Lalo na kung wala naman kaming ginagawang masama.

Kami na sanay na sa pang-aasar nila. Wa na kami pakels.

Pumasok kami sa aming klase. Nagtungo kami sa aming spot which is sa likod. I'm munching my chitchiria while waiting for our professor.

Busying-busy ako at tutok na tutok sa kinakain.

"Ay pogi!" Sigaw ni Martha na halos ikabingi ko.

Makasigaw wagas!

Eh di lingon ako sa pogi.

Oh no!My earth is slowly revolving!

SUPER DUPER SLOW MOTION!

Habang si pogi lingon-lingon naghahanap ng chair.

"My Adonis,"sigaw ko sabay tayo at tumakbo in slow motion para salubungin siya.

Malapit na ako sa kanya at payakap na nang bigla siyang lumihis.

Pakipot si koya eh...

Tawanan mga kaklase ko.

"Ano'ng ginagawa ko rito?" Ika ko habang maarteng palinga-linga. Nilagay ko pa ang kamay sa aking noo.

Ang tangabels lang ng tanong ko.

Hindi niya ako pinansin. Lumapit siya sa bakanteng mauupuan.Sinundan ko siya.

"Lumipat ka rito?" As in ang tanga talaga ng tanong ko..

Hindi ba obvious? Tsk!

Nakaupo na siya at ako ay nanatiling nakatayo sa harap niya kaya tiningala niya ako.

"Sit down!" Seryoso niyang utos.

Napangisi ako. Sit down lang pala e.

Akma akong kakalong sa kanya nang sumigaw si Kalbo...ay Este Mr Albo.

"Ms. Gonzales!"

At itong si pogi, huli kong napangiti.

Masaya akong umupo kahit napahiya.

At least napangiti ko si pogi.

Dati boring yung mga subject. Now super duper exciting. May pogi ba naman sa harap ko.

Kaya lang lagi akong natatawag ng mga guro namin.

Concentrate daw! E nakaconcentrate naman ako a.

Concentrate kay pogi!

Habang naghihintay sa susunod na professor namin, tinext ko si Cresh.

"Lucrazy, bakit nandito si Adonis ko?"

Nagreply naman siya agad.

"Istorbo ka Pet!...tanungin mo kaya",

Ay ang sungit ni ate...

Imbes na tigilan siya, lalo ko nalang ininis.

"Nakainom ka ba ng gamot mo? Parang wala ka sa ayos a!"text back ko at muling binaba ang cellphone. Baka mahuli ako ni Mr. Kalbo...oopss erase the K please.

"Tse,tigilan mo ako. Istorbo ka kasi!" Reply back niya.

"Bakit? May kababalaghan ka bang ginagawa na naudlot?"

Napahagikgik ako ng malakas sa tinext ko.Kaya siniko ako ni Mahinhin.

Nilagay ko sa bag ko yung cp ko dahil hindi na nagreply si Cresh. Itinuloy na ata niya yung kababalaghan..

Nang mapadako ang tingin ko kay pogi.Nginitian ko siya at kinindatan. Nahuli ko kasi siyang nakatingin.

Yay! Kinikilig ako mga besh. Yung parang naiihi sa kilig.

Wait, naihi yata ako ah,basa ata..

Ayan kasi pantasya pa! Hahahhaha.

Break time magkakasabay kaming kumain sa canteen. Nagpalinga-linga ako para hanapin si Adonis. Bigla kasi itong nawala kanina. Aayain ko pa naman, libre ko sana siya. Kasi nga di ba, The way to a man's heart is through his stomach. Kaya nga ililibre ko, bubusugin ko ng pagkain. Yung ngunguyain ko na lang, ibibigay ko na lang para sa kanya. Mga ganoong eksena mga bhe!

"Paano mo nakilala si pogi ?"Malanding tanong ni Mahinhin. Nagtwitwinkle pa ang mga mata.

Naningkit ang aking mga mata. Gusto ko siyang bigyan din ng star na makikita sa ulo.

"Akin siya ah! Grrrr!" sabi ko.

Napataas ang dalawang kamay niya.

"Hindi ko siya aagawin, okay? natanong lang e!" Mataray niyang sagot sa akin. With matching taas kilay to me.

Nagtawanan ang tatlo.

"Hinay-hinay kasi sa paglalandi,baka lapain ka ng aso!" sabi ni Mart sabay tawa din ng malandi. May papitik pa ng daliri.

Si Eula na hindi yata na gets ang joke ay nagtatakang lumingon sa amin habang kumakain.

"Sinong lalapa? " tanong niya kaya ininguso ako ni Martha."Bakit siya lalapa, Hindi naman siya aso. Baboy kaya siya!"

Binatukan ko si Eula.

Lalong humagalpak sa tawa si Martha at Mahinhin. Nag apir pa silang dalawa.

Mga walang hiya tong mga barkada kong ito e.

Okay, makapunta na nga lamang sa washroom.Nagpaalam ako sa kanila. May tatlumpot minuto pa naman kami bago ang klase.

Bago pa man ako makapasok sa washroom ay may narinig akong tila nag aaway.

Nasa dulo kasi ang washroom at may corridor na medyo tago na papunta naman sa gym.Wala naman akong pakialam, pero na curious ako kaya ako sumilip.

To my surprise! Yes nanlaki talaga ang mga mata ko.

Nakita ko kasi si Adonis kasama ang isang magandang babae. Yes, super ganda nung babae, maliit ang mukha nito,parang Kathryn Bernardo na pinaputi. Seksi at medyo may kaliitan. Hanggang sa baba lamang ito ni Adonis.

"Talk to me Crystal, please," Pagmamakaawa nito sa babae. Siguro iyon ang ex na sinasabi ni Cresh.

"Ayoko na nga! Please layuan mo na ako. Baka makita pa tayo ng iba dito."

Napatiim bagang si Adonis at halatang nagtitimpi ng galit. Mga besh yung mata niya parang nagbabaga. Mas ako ang kinakabahan sa galit niya. Nanindig tuloy ang balahibo ko sa buong katawan.

"Anong meron siya na wala ako ha? Pera? Alam mo naman kung ano ang sitwasyon ko. Hindi mo ako puwedeng pilitin sa ayaw ko. Magtatrabaho na lang okay, doble kayod para maibigay ko ang kapritso mo."

Isang sampal sa pisngi ni Adonis ang pinakawalan noong babae.

"Wala ka na ngang masyadong time sa akin, magtatrabaho ka pa. 'Di mas lalong wala ka ng time! And look Adonis. Ikaw at ako magkaiba. Maybe, We really are not meant to be!" Garalgal ang boses ng babae. Parang maiiyak na rin yata.

Napapaluha ako habang pinapanood ang eksena. Napayuko si Adonis at parang naiiyak. Nakakuyom ang kamao nito na parang gustong manuntok.

Mahal na Mahal niya talaga ang kanyang ex. Swerte naman nung girl...sana ako na lang!

"Pagsisisihan mong ipinagpalit mo ako Crystal. I swear, ikaw ang maghahabol sa akin sa bandang huli. And when it happens, papahirapan din kita kahit pa mahal na mahal kita!"

Dali-dali akong kumaripas ng takbo papuntang washroom. Papalapit kasi ang nagwalk out na si Adonis.

Ewan ko kung nakita niya ako. Ang hirap kasi tumakbo...

Sa bigat ba naman kasi ng sapatos ko...

Tulala akong bumalik sa aking barkada. As in lutang ang isip ko.

Kaya hindi ko namalayan na makabangga ko ang isang babae.

Sa liit ng katawan niya ay tumilansik ito.

"Aray!" Napasalampak siya sa sahig.

"Hey, pwede ba tumingin ka sa daan. Sa laki ng katawan mo makakadisgrasya ka niyan eh" Sigaw ng isang baritonong boses na nagpabalik sa diwa ko.

Gulat akong tumingin sa babaeng ngayon ay inaalalayan na ng isang gwapong lalaki. Mestizo ito at matangkad.

Nagkatinginan kami sa mata ng babae.

Halos hindi ako makatagal ng tingin.

Siya yung babaeng kausap kanina ni Adonis.At sino itong kasama niya?

"Sorry miss, Hindi ko sinasadya."paumanhin ko.

"It's Okay, okay lang naman ako," nginitian niya ako.

"Anong okay? Look at you, sorry is not enough piggy!"

Nagpanting ang teynga ko. Guwapo nga, basura naman ang bunganga nito. Sayang ang mala Dingdong Dantes nitong kagwapuhan!

Pagtatanggol ko sana ang aking sarili pero biglang naumid ang aking dila ng mamataan kong palapit na rin si Adonis. Siyempre, pagtatanggol niya ang maganda niyang ex jowa.

Pagkakaisahan ako dahil na injure ko tata yung babaeng mahal nila.

"Anong nangyari?"

Feel ko ang init ng tension. Para akong magiging lechon sa titigan ng dalawang manoy.

"Kamuntikan nang mabalian itong girlfriend ko because of this fatty ugly woman!"

Tinaasan ko siya ng kilay. Namumuro na ito sa akin ah. Susugurin ko na talaga ang barumbadong syokoy na ito ngunit may pumigil sa akin.

"Muntik lang naman pala, Hindi naman siya na ano, so anong ipinagpuputok ng butse mo?"

It was Adonis who held me back.

Kinikilig akong sinulyapan ang kanyang mga kamay na hawak ang aking braso. Pero yung kilig eh napalitan ng di ko maintindihan na feeling, lalo na noong makita ko ang gesture ng mga mata ni Crystal.

Nakatingin siya sa kamay na nakahawak sa akin.

"Let's go Bryan, Hindi naman ako nasaktan, kaya tara nalang," Hinila nito ang siguro'y boyfriend niya para makalayo na sa amin.

Pagkaalis nila ay binitawan ako bigla ni Adonis

"Next time, huwag kang maglakad ng lutang... makadisgrasya ka pa!" He said as he walks out too.

Napalabi na lamang ako habang sinusundan siya ng tingin.

Nagkibit balikat ang mga kaibigan kong nasa malapit lang pala.

Nilapitan nila ako at kinamusta. Inaya ko na lamang silang umalis doon at pumasok na sa susunod na klase.

Comments (1)
goodnovel comment avatar
Che Acala Paragas
mga taong mapanghusga at mapanglait
VIEW ALL COMMENTS

Related chapters

Latest chapter

DMCA.com Protection Status