Chapter 17

"Ry ko, sige nga try mo akong picturan," masiglang sabi ni Dylan habang inaabot sakin ang bago kong cellphone.

"Ah sige --- teka!!! tama ba ang ginagawa ko?" tanong ko naman sa kanya habang nakatutok ang cellphone sa kanyang mukha.

"Ilayo mo ng kaunti haha," natatawa pa nyang sabi.

Nang makita ko na ok na ang angulo ay pinindot ko na ang capture button daw, yung buton sa gitna. Nang tingnan ko ang litrato nya ay hindi ko mapigilang mapangiti, ang gwapo talaga nya at napaka-ganda pa ng kanyang ngiti. Nababakla na ata talaga ako nakakaramdam na ako ng kilig sa kapwa ko lalaki. 

Pero naisip ko rin noon na baka naman masyado lang ako napalapit sa kanya dahil mabait sya sakin at dahil lagi ko syang kasama pero si Nico naman ay mabait din at gwapo pero hindi ako nakaramdam ng ganung bagay para sa kanya at bukod pa dun ay wala talaga akong interes sa ibang lalaki,  kay Dylan lang talaga ako nag-kakaganto.