Share

Kabanata 7

Kinakabahan akong sumunod kay Daddy. For the nth time, ngayon ko lang ulit nakita na ganito siya kagalit. Nakakatakot siyang magalit, nakita ko na kasi siyang magalit noon kay Aivan, mayroon din namang pagkakataon na napapagalitan ako pero hindi naman ganitong katindi. Si Tita Cassandra naman ay naiwan sa labas habang kinakausap si Aivan.

Halos hindi pa rin nagsi-sink in sa utak ko ang lahat ng mga narinig ko kanina. Hindi lang kasi talaga ako makapaniwala na pupunta na palang Amerika si Aivan at doon na mag-aaral pati maninirahan.

Sa katunayan ay talagang lumuwag ang pakiramdam ko sa narinig ko kanina, sa tingin ko ay mas okay na talaga na malayo siya sa akin para mas maging matahimik ang buhay ko. Wala kasi akong naaalala na naging matahimik ang buhay ko sa araw-araw dahil lagi niya akong ginugulo.

Sa narinig ko kanina, gusto raw akong isama ni Aivan sa Amerika? Parang gusto kong matawa sa sinabi niya. Hindi naman ako magpapauto sa kalokohan niya dahil alam ko na ang pakulo niyang iyon. Gusto lang niya akong isama sa Amerika dahil wala siyang mapagti-tripan sa tuwing siya ay bored.

"Nakikinig ka ba sa akin, Avy?"

Napabalik ako sa tamang katinuan namg marinig ko ang ma-awtoridad na boses ni Daddy na ngayon ay hawak ang laptop ni Aivan.

Nasa kusina kami, kaya naman ipinatong ni Daddy ang laptop ni Aivan sa dining table.

"Halika.... Tingnan mo ito." Sabi niya sa akin habang tila may pinipindot sa laptop ni Aivan, "Gawin mong bukas ang isipan mo para sa bagay na makikita mo, Avy... Ipapakita ko sa'yo ang mga ito, para maka-iwas ka. Naintindihan mo ba?" Sabi niya sa akin.

Tumango ako at lumapit sa kaniya.

Binalingan ko naman ng tingin ang laptop na ngayon ay may naka-play na video. Ang nakikita ko sa video ay kama, 'yon lang at wala nang iba... pero ilang sandali pa ay may humigang hubad na babae at sunod naman ay si Aivan, kaya nanlaki ang mata ko sa aking nakita at pagkatapos ay agad kong tinakpan ng palad ko ang aking mata.

"Tingnan mo nga naman ang kalokohan nang gagong 'yon! Gagawa-gawa ng video kasama ng iba't-ibang babae." Ani Daddy habang pailing-iling na nakatingin sa laptop.

Hindi ko na tinignan pa ang laptop at kay Daddy na ako tumingin. Hindi naman kasi ako mapalagay sa nakikita ko lalo na at may nakikita akong walang saplot na babe at lalaki.

"Anim na video ito, Avygail.... Anim na video kasama ng iba't-ibang babae." Sabi pa sa akin ni Daddy habang tila may pinipindot na naman ng kung ano sa laptop. "Sa dinarami-rami ng pwedeng manahin ng anak ko sa akin. Ang ugali at kalokohan ko pa! Nak nang pucha nga naman oh!"

Hindi na lamang ako naka-imik sa sinabi niya.

"Heto... Tignan mo ito." Sabi ni Daddy habang seryoso ang kanyang mukha.

Nang lumapit akong muli sa kinaroroonan niya ay agad kong binalingan ang screen ng laptop at sa gulat ko ay halos mapatumba ako mula sa pagkakatayo.

"Alam mo ba 'yan, Avy?" Hindi natutuwa ang boses na Daddy sa tanong niyang iyon kundi galit. 

Agad akong umiling-iling. "H—Hindi ko po alam 'yan... P—Promise po." Agad kong itinaas ang kamay ko na tila nanunumpa, nanunubig din ang mata ko habang nakatitig ang mata ko sa screen ng laptop.

Mariing napapikit si Daddy sabay sa pagpisil ng kanyang ilong na tila ba naiinis na, "Avy." Mariing sabi niya sabay titig ng malalim sa akin, "May itinatago ba kayong sikreto ni Aivan? Sige na, sabihin mo na. Hindi ako magagalit." Sabi niya sa akin kasabay ng paglalam mg kanyang mga mata.

Hindi ko naman kasi talaga alam ang nasa larawan. Hindi nga ako makapaniwala na mayroon pala kaming ganoong larawan ni Aivan.

Nakapikit ang mata ko non, na mahahalata mo naman na tulog ako, ngunit sa litratong iyon ay katabi ko si Aivan habang nakadikit ang labi niya sa labi ko, parehas kaming naka-sideview sa litratong iyon.

Kahit kailan ay wala naman akong naaalala na may nangyaring ganoon sa amin ni Aivan.

Nakakasama lang din ng loob dahil hindi ko naman alam na may first kiss na pala ako at sa bwisit na Aivan pa na iyon!

"Sige na, Avy. Sabihin mo na ang totoo sa akin." Sabi pa ni Daddy.

Tumulo ang luha ko. "Wala po talaga, Daddy.. pero aaminin ko po sa inyo na halos gabi-gabi po siyang natutulog sa kwarto ko dahil gusto niyang doon siya matulog. Hindi ko lang po masabi sa inyo dahil ayoko lang po talaga ng gulo. H—Hindi ko naman po alam na may gagawin siya. Hindi ko po talaga alam." Umiiyak na sabi ko.

Sa kakaiyak ko ay hindi ko na namalayan na akap-akap na pala ako ni Daddy. "H'wag ka nang umiyak. Hindi naman kami galit ng Mama Cassie mo sa'yo. Sige na, tahan na—" Hindi na niya natapos pa ang sasabihin niya dahil may humila na sa akin.

Gulat na gulat akong napatingin kay Aivan.

"Bakit yakap-yakap mo si Avy ha?" Sabi niya at saka ako ipinwesto sa likuran niya. Naguguluhan ko siyang tinignan.

"Aba't! Sumasagot ka na talaga?!" Si Daddy 'yon na tila galit na galit na talaga.

Sa likuran ni Aivan ako naka-pwesto, parang tinatago niya ako sa posisyon namin kaya naguguluhan na talaga ako sa kanya. Hindi ko siya maintindihan.

"Eh yakap mo si Avy eh!" Sabi ni Aivan, "Bakit mo yakap si Avy?"

Binalingan naman ako ng tingin ni Daddy, "Avygail.. Umakyat ka na sa kwarto mo. Pupuntahan ka ng Mama Cassandra mo."

Mabilis akong umakyat sa kwarto ko.

Pagkasara ko ng pinto ay muling bumulusok ang luha ko. Nakakainis! Wala akong kaalam-alam na tuwing gabi pala kapag nakikitulog si Aivan sa kwarto ko ay hinahalik-halikan na niya pala ako! Kung alam ko lang sana na may gagawin pala siya sa akin ay makikipagpatayan pa talaga ako sa kanya para lang hindi na siya makapasok sa kwarto ko.

Kaya pala, lagi siyang nagpupumilit na dito siya makikitulog sa akin! At kapag humihindi naman ako ay lagi niya akong pangungunahan ng galit, sa tuwing minsan pa nga ay nagdadabog siya para lang mapilit niya ako na mapatulog siya sa kwarto ko.

"Avygail?"

Agad kong pinunasan ang luha ko nang marinig kong kumakatok si Tita Cassandra, binuksan ko ang pinto at agad naman niya akong niyakap.

Umupo kaming dalawa sa kama ko, "Pasensya ka na sa anak ko ha? Pinalaki ko naman siya ng maayos, paulit-ulit kong pinapangaralan na sana ay maging mabuting bata siya. Eh, mas lumala pa siya kaysa sa ama niya."

"S—Sorry din po... Mas nakakagulo din po ako sa sitwasyon."

"Hindi anak." Sabi niya habang sinuklay ang aking buhok, "Wala ka namang kasalanan dito, at sana kung ano man ang ginawa sa'yo ni Aivan. Sabihin mo sa akin ng bukal sa loob mo. May ginawa ba siya sa'yo bukod sa pananakit niya at paghalik niya sa'yo sa tuwing natutulog ka?"

Nag-isip pa ako ng iba pa, "Kapag po wala kayo dito.. Lagi po siyang pumupunta sa kwarto ko tapos pinapaiyak niya ako... Tapos minsan po, sa terrace— kapag wala po si Yaya at kayo pati si Kuya Ryan ay nakikita ko siya na nagma-marijuana, kasama niya po 'yung kaklase namin na si Eric dahil pinapapunta ni Aivan si Eric para lang gawin nila 'yon... Nalaman ko po iyon dahil, naririnig ko po sa usapan nila at base na rin sa nakikita kong ginagawa nila."

Napatigil ako namg mapamura si Tita at saka tumayo at nakapameywang, "Ano pa?"

"Ngayon ko lang po 'yon sinabi sa inyo dahil pinagbantaan niya po ako na bubugbugin niya po ako kapag nagsumbong ako sa inyo. Alam ko naman po na kaya niyang gawin iyon sa akin, dahil minsan niya na rin po akong nasaktan."

Napayuko at pinagdikit ang palad ko, "Sorry po... Ngayon ko lang po sinabi sa inyo. Sorry po, sorry po." Umiiyak na sabi ko ngunit naramdaman ko ang bisig ni Tita sa akin.

"Bibigyan namin ng leksyon si Aivan. Hindi naman palalampasin ni Blake ang katarantaduhan ng batang 'yon." Sabi niya habang pinapatahan ako, "Sige na, matulog ka na. Magpahinga ka."

Paglabas ni Tita Cassandra ng kwarto ko ay napayakap ako sa katabi kong unan. Hindi mawala sa isip ko ang lahat ng nalaman ko ngayong araw. Una ay mangingibang bansa na pala si Aivan at doon na pala maninirahan. Pangalawa ay nalaman kong maraming videos si Aivan kasama ng iba't-ibang babae, hindi na nga dapat pa akong magulat pero hindi ko maiwasan dahil hindi ko naman talaga inaakala na kaya niyang magrecord ng ganoon. Ikatlo ay nalaman ko na may mga litrato pala kami ni Aivan na hinahalik-halikan niya ako at ang pinakamalala pa ay sa labi ko pa.

Sobra na si Aivan... Napakarami niyang bisyo na sa puntong hindi na talaga nakakatuwa at nakakaganda sa imahe.

Totoo rin ang sinabi ko kay Tita, dahil noong nakaraang buwan lang ay nakita ko na naman si Aivan na kasama si Eric na nasa terrace. Narinig ko ang usapan nila na magmamarijuana raw sila, at huli ko nga sila sa akto na totoo ang ginagawa nila.

Ilang minuto pa ay narinig ko na mula sa kabilang kwarto ang pahapyaw na sigaw ni Aivan, sigurado ako na sinisinturon na naman ni Daddy si Aivan.

Kasalanan din naman kasi talaga ni Aivan — Kung sana kasi ay nagtino siya, sana ay hindi siya mabubugbog ni Daddy.

Tama rin naman ang ginagawa ni Daddy na pagdidisiplina kay Aivan dahil talagang sumusobra na si Aivan. Hindi na kasi tama ang ginagawa niya.

Ilang araw na lang naman ang hihintayin ko para makalayo sa akin si Aivan at para maging matahimik na ang buhay ko?

Dalawang araw na lang naman ay aalis na siya patungong Amerika, at sana ay lubayan na niya ako, ayaw ko na talaga ng gulo.

Mabuti naman at dinalaw na rin ako ng antok.

Naalimpungatan ako nang may marinig akong bumakas-sara ang kwarto ko. Malakas kasi ang instict ko sa tuwing bumubukas o sumasara ang pintuan ng kwarto ko, kaya kahit natutulog ako ay naaalimpungatan ako.

Tinignan ko rin ang bedside clock, 2:00 AM.

Paglingon ko kung sino ang pumasok sa kwarto ko ay si Aivan, kaya agad akong napa-upo sa kama at napalayo sa kanya. Nawala tuloy ang antok ko ng kusa dahil lang sa presensya niya.

May bitbit siyang dalawang bag, 'yung isa ay bitbit niya sa likuran niya habang 'yung isa naman ay wala pa namang laman.

Habang papalapit siya sa akin ay mas lalo kong nakikita ang mga galos niya sa mukha, naka-sando rin siya kaya kitang-kita ko ang mga sugat na natamo sa braso niya sa ginawang pagdidisiplina ni Daddy sa kanya.

Hindi kaya totohanin niya ang sinabi niya sa aking bubugbugin niya ako kapag nagsumbong ako kila Tita? Kaya siya pumunta rito?

Muli akong napa-atras, kinuha ko ang katabi kong unan upang iharang sa katawan ko pero mas mabilis siya kaya bago ko pa iharang ang unan sa katawan ko ay naramdaman ko na ang bisig niyang yumayapos sa akin.

Hindi ako makagalaw sa ginawa niyang iyon. Parang tumigil yung mundo ko ng ilang segundo dahil sa pagyakap niya, first time lang niyang ginawa sa akin iyon. First time pero parang magiging memorable pa dahil ito lang naman ang first at paniguradong last.

Buong akala ko ay sasaktan ako ni Aivan pero yayakapin lang pala niya ako, kaya kahit papaano ay nawala ng kaunti ang kaba ko.

Matapos ang mahigpit na yakap niya ay saka naman niya hinawakan ang kamay ko pagkatapos ay ipinakita sa akin ang bag na walang laman, "A—Anong gagawin ko diyan?" Naguguluhang tanong ko sa kanya.

Nakita ko ang pagtaas-baba ng adams apple niya, "May naipon naman akong pera, sapat na siguro iyon para mabuhay tayong dalawa ng kahit na ilang buwan. Maghahanap ako ng trabaho, pag-aaralin kita hanggang s—"

"Anong ibig mong sabihin?" Ang ibig ba niyang sabihin ay tanan? "Hindi mo yata naiintindihan ang mga sinasabi mo. Bata pa tayo, marami pang pwedeng mangyari sa atin. Kung ang pagtatanan ang solusyon mo para hindi matuloy ang pag-alis mo ay nagkakamali ka, at sa tingin mo ay paano ka makakahanap ng trabaho kung under age ka? Sinong tatanggap sayong kompanya? Ni hindi ka pa nga nakakapagtapos ng pag-aaral. Kung gusto mo akong isama para lang magkaroon ng pagtitripan at paiiyakin sa araw-araw ay huwag na. Matagal ko nang pinagbayaran lahat ng kasalanan ng Mama ko sa'yo. Sa araw-araw na pagtira ko sa bahay na 'to, walang oras na hindi mo ginugulo ang buhay ko, walang oras na hindi mo ako pineperwisyo, matagal ko nang nabayaran lahat ng kasalanan ng Mama ko sa'yo, Aivan. Matagal na at sana, matuto kang mag-move on."

Napayuko siya at pansin ko ang pagtaas-baba ng balikat niya, umiiyak siya. "G—Gusto ko lang na makasama ka... 'Y—Yon lang, at magbabagong buhay na rin naman ako. Ito lang paraan ko para hindi na ako matuloy sa Amerika."

"Para ano? Para paiyakin ulit? Para saktan ng paulit-ulit? Huwag mo akong daanin sa iyak mong iyan, Aivan. Alam kong peke ang lahat ng ipinapakita mo. Sana man lang ay harapin mo ang problema mo hindi 'yung tatakasan mo."

Lumuhod siya sa harapan ko na tila nagmamakaawa, "S—Sige na, sumama ka na sa akin. H—Hindi na kita paiiyakin, hindi na kita sasaktan. T—Titigilan ko na ang pagbabarkada ko. A—Alam kong marami akong kasalanan sa'yo at kung alam mo lang kung gaano ako kaseryoso sa mga sinasabi ko, maniwala ka... Pipilitin kong magbago. Pangako."

Related chapters

Latest chapter

DMCA.com Protection Status