CHAPTER 10

Mula pa kanina ay hindi na mawala ang pagkakangiti ko habang kumakain kami. Pinagsisilbihan kasi ako ng asawa ko. Kaunting kibot ko ay tinatanong niya kaagad ako. Tinatanong niya na baka may masakit sa akin.

Habang kumakain din kami ay nakahawak siya sa kamay ko na para bang takot siyang mawala ako sa kanya. Sinusubuan niya pa ako at ang balat ng manok ay kinukuha niya dahil masama raw iyon sa akin. Ipinaghihimay niya pa ako ng sugpo at alimango.

“Mabuti naman at maayos na kayong dalawa?”

Tumayo si Tranz at nagpunta sa likuran ko at niyakap ako. “Of course. Normal lang sa mag-asawa na mag-away, Lele, pero mahal namin ni Mina ang isa’t isa kaya pinipili namin na intindihin ang isa’t isa.”

Tumingala ako dahil sa sinabi ni Tranz kaya nagsalubong ang mga mata naming dalawa. I mouthed I love you to him kaya ibinaba niya mukha papunta sa akin at hinalikan ako. Ang akala ko ay